اینتئل و گئنئرال ائلئکتریک تازالیقدا مشترک بیر طرحده اوزاقدان معاینه و درمان تئکنولوژیلری بازاریندا سرمایا-یاتیرمایا باشلامالارینی بیلدیردیلر.

بی‎بی‎سی‎ گزارشینه گؤره، بو ایکی شیرکتین سرمایا-یاتیرما پروژه‎سی اوزاقدان دوکتورلوق کومپوتئر سیستئمینی دوز‎لتمک اوچون 250 میلیون دولارلیق سرمایانی بئش ایللیک سرمایا ائتمکدیر.

دونیا اقتصادی بحرانیندا، اینتئلین گلیری (درآمد) آزالیبدیر. بو شیرکتین منفعتی یۆزده دوخسان آزالماقلا 2.3 میلیار دولاردان 234 میلیون دولارا دوشوبدور.

اینتئل و گئنرال ائلئکتریک اطمینانلا بیلدیریبلر کی تازا تئکنولوژیلردن استفاده بازاری 2012 ایلینه قدر، 4.7 میلیار دولار آرتا بیلر و بو دونیا اقتصادی بحرانیندا بیر اومید قاپیسی کیمیدیر.

بو طرح، دوکتورلارا، مریضلری اوزاقدان معینه و درمان ائتمه امکان و اجازه‎سینی وئرر، Intel Health Guide، مطبلر و مرضخانالارا درد-سرلی و کورلوقلو اولان بیر چوخ گئت-گلی ده آزالدیر.

آمئریکا دولتینین ده، باراک اوبامانین هزینه‏لری آزالتما و درمان کیفیتینی آرتیرما سیاستـلری جهتینده، بو طرحدن حمایت ائتمه‎سی گومان ائدیلیر.

اونلاین همشهری