ترکی | فارسی | العربیة | English | اردو | Türkçe | Français | Deutsch
يکشنبه 26 فروردين 1403 - 04 شوال 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 0
ديروز : 136
ماه : 2670
 
تاریخ : سه شنبه 29 آذر 1390     |     کد : 235

88 فيتنه‌سي بير ناخوشلوق ايدي كي جماعتين عظيم حضوري‌اينن دفع اولدو

اينقيلابين موعظم رهبري 9 دي حماسه‌سي‌نين عزيزله‌مه سيتادي‌نين عضولري جمعينده: 88 فيتنه‌سي بير ناخوشلوق ايدي كي جماعتين عظيم حضوري‌اينن دفع اولدو.


اينقيلابين موعظم رهبري 9 دي حماسه‌سي‌نين عزيزله‌مه سيتادي‌نين عضولري جمعينده: 88 فيتنه‌سي بير ناخوشلوق ايدي كي جماعتين عظيم حضوري‌اينن دفع اولدو.

حضرت آیت‌الله خامنه‌ای 88 فيتنه‌سي‌نين آجي واقيعه‌لريني خاطيرلاتماغينان بويوردولار: بو فيتنه، صيرفاً بير عيدّه‌نين خيابانلاردا اولماغيندا خولاصه اولموردو، بلكه بير ناخوشلوق‌ايدي كي امنيتي و سياسي ايشلرينن دفع اولمازدي و جماعتين عظيم حضورونا احتياجي واريدي كي بئله‌ده اولدو.

فارس خبرگوزاري‌سي‌نين موعظم رهبرليق مقامي دفتري‌نين ايطيلاع رساني پايگاهيندان نقل ائدن گوزاريشه گؤره، ايسلامي اينقيلابين رهبري حضرت آیت‌الله خامنه‌ای 9 دي حماسه‌سي‌نين عزيزله‌مه سيتادي‌نين عضولري گؤروشونده، موتعال آللاهين ايراده‌سي و آللاهين توفيقاتينا ايمانلي اولماغي، ايران جماعتي‌نين اوركلريني موختليف عرصه‌لرده حاضير اولماغا، هيدايت ائله‌ماغا اصلي عاميل ساييب و خاطيرلاديلار: هشتاد سككيزينجي ايلين دي آيين دوققوزوندا جماعتين جوشقون و عظيم حضوري، اينقيلاب ماهيتي‌نين باريز تجلي‌سي‌ايدي يعني ديانت روحي جماعتين اورگينه حاكيم‌ايدي.

اونلار 9 دي حماسه‌سي‌نين تبيينينده ايكي موهوم عونصور «جماعتين گئنيش حضوري» و «جماعتين ديني ايماني»نا ايشاره ائديب بويوردولار: 88-ين 9 دي حماسه‌سي، كيچيك حاديثه دئييل بلكه جماعتين او بؤيوك و قالارگي حركتي، جماعتين اينقيلابين اوّلينده‌‌كي بؤيوك حركته بنزير و گرك تلاش اولا بو حماسه‌نين ايل دؤنومونده، جماعتين اصلي سؤزو، يعني دين و آللاهين وعده‌لري‌نين تحقوقي كؤلگه‌سينده حركت ائتمك، تبيين اولسون.

حضرت آیت‌الله خامنه‌ای بيرينجي عونصور يعني جماعتين موختليف صحنه‌لرده حاضير اولماسي‌نين اهميتيني تشريحي  ايدامه‌سينده بويوردولار: ايمام خميني‌نين(ره) اصلي هونري، جماعتي صحنه‌يه واريد ائله‌ماغيدي و هر يئرده كي جماعت اؤز ايمانلارينا موناسيب شوجاعت، عمل و بصريت‌اينن مئيدانا گلديلر، موشكوللرين هاميسي و لاب بؤيوك مانعلر جماعتين ايراده‌سي قاباغيندا آرادان گئدير.

ايسلامي اينقيلاب رهبري خاطيرلاتديلار: دونيانين هر نوقطه‌سينده جماعت موتناسيب ايمان و عمل، موشخص شوعار و هدفينن مئيدانا گلسه‌لر، اونلارين قاباغيندا هيئچ مانع دايانا بيلمز و بو بوتون ميلّتلره بير نوسخه‌دير كي ايمام خميني(ره) اونا عمل ائله‌دي و ايران جماعتي‌ده عظيم‌الشأن راحيل ايماما  اعتيماد ائديب اونو عملي صورتده ثابيت ائله‌دي.

ايسلامي اينقيلابين رهبري هابئله جماعتين ديني ايمانين تبيين ائله‌ماقدا، 9 دي حماسه‌سي‌نين ايكينجي موهوم عاميلي عونوانيندا آرتيرديلار: جماعتين هاميسيني بسيج ائديب صحنه‌يه گتيرن  و بوتون چتينليقلارلا صحنه‌ده ساخلايان موعجوزه‌چي ، ديني و قلبي ايماندير نيه كي ديني ايمان اساسيندا سيز هر شراييطده پيروزسوز و شيكستين معناسي يوخدور.

ايسلامي اينقيلاب رهبري، 9 دي حماسه‌سيني بو منظردن كاميلاً ايسلامين صدرينه و اينقيلاب پيروزلوغونون اوّل گونلرينه تاي بيليب خاطيرلاديلار: بو گونده جماعت اؤز ديني وظيفه‌سي اساسيندا مئيدانا گلديلر تا نيشان وئرسينلر كي فيتنه‌چيلرين تبليغاتي‌نين ترسينه، ايران جماعتي جمهوري ايسلامي نيظامينا پايبند اولماق ضيمنينده ديني ايراده و عزمه صاحيبديلر.

حضرت آیت‌الله خامنه‌ای 88 فيتنه‌سي‌نين آجي خاطيره‌لرين يادا سالماقلا بويوردولار: بو فيتنه، صيرفاً بير عيدّه‌نين خيابانلاردا اولماغيندا خولاصه اولموردو، بلكه بير ناخوشلوق‌ايدي كي امنيتي و سياسي ايشلرينن دفع اولمازدي و جماعتين عظيم حضورونا احتياجي واريدي كي بئله‌ده اولدو.

ايسلامي اينقيلاب رهبري محرم و حسيني عاشورانين بو حماسه‌ده اولان نقشينه ايشاره ائديب و بويوردو: نئجه‌كي اينقيلاب اوّلينده محرم بو جماعتين كؤمگينه گلدي و ايمام بويوردو؛ قان قيلينجا پيروزدي، 9 دي حماسه‌سينده ده، عاشورا جماعتين كؤمگينه گلدي و بؤيوك و قالارگي حماسه ياراتدي.

اونلار بو بؤيوك حماسه‌نين ساخلاماسينا تأكيد ائديب،  9 دي حماسه‌سي‌نين عزيزله‌مه سيتادي‌نين ايشله‌ينلرينه ايكي توصيه ائله‌ديلر: اولاً 9 دي عزيزله‌مه‌سينده شوعاري جنبه غاليب اولماسين و ثانياً شوعارلارين درينليغينا كي ايران جماعتي‌نين اصلي سؤزو‌ ايدي، ديقّت اولسون.


نوشته شده در   سه شنبه 29 آذر 1390  توسط   مدیر پرتال    تعداد بازدید  432
PDF چاپ چاپ بازگشت
نظرات شما :
 
Refresh
SecurityCode