ترکی | فارسی | العربیة | English | اردو | Türkçe | Français | Deutsch
يکشنبه 4 مهر 1400 - 18 صفر 1443
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 0
ديروز : 23
ماه : 1200
 
تاریخ : جمعه 24 شهريور 1391     |     کد : 484

ایسلام دوشمنلرین پیغمبره نیفرت انگیز توهینلریندن سونرا اینقیلاب رهبرین موهوم پیامی

مهرین گوزاریشینه گؤره, ایسلام دوشمنلری پیغمبرین(ص) موقدس ساحتینه توهین ائدندن سونرا اینقیلابین موعظم رهبری حضرت آیت الله خامنه ای ایران جماعتی و بؤیوک ایسلام اومّتینه بیر پیام ضیمنینده, بو شرارتلی حرکتلرین پرده دالیسیندا, صهیونیسم, آمریکا و آیری دونیا ایستیکبارین خصمانه سیاستلری دایانماسین بیلدیردی.


مهرین گوزاریشینه گؤره, ایسلام دوشمنلری پیغمبرین(ص) موقدس ساحتینه توهین ائدندن سونرا اینقیلابین موعظم رهبری حضرت آیت الله خامنه ای ایران جماعتی و بؤیوک ایسلام اومّتینه بیر پیام ضیمنینده, بو شرارتلی حرکتلرین پرده دالیسیندا, صهیونیسم, آمریکا و آیری دونیا ایستیکبارین خصمانه سیاستلری دایانماسین بیلدیردی.

ایسلامی اینقیلابین موعظم رهبری‌نین پیامی بئله‌دیر:

بسم الله الرحمن الرحیم

قال الله العزیز الحکیم: یریدونَ لِیطفِئوا نورَاللهِ بِاَفواهِهِم واللهُ مُتِمُّ نورِه وَلوکَرِهَ الکافِرون

ایرانین عزیز جماعتی, بؤیوک ایسلام اومّتی

ایسلام دوشمنلری‌نین کثیف الی یئنه‌ده پیغمبر اعظمه(ص) اهانت ائله‌ماغینان اؤز درین کینه‌سینی آشکارا چیخارتدی و نیفرت انگیز و دلی سایاغی ایقدامینان, خبیث صهیونیست مجموعه‌لرین ایسلام و قورآنین گون به گون ایشیقلانماسیندان اولان حیرصینی نیشان وئردی. بو بؤیوک گوناه و جینایتین عامیللری‌نین اوزو قارالیغینا بو بس کی موقدسلر ایچینده لاپ موقدّس و ایشیقلی چؤهره‌نی اؤز یاوه‌لرینه هدف قرار وئریبلر. بو شرارتلی حرکتلرین پرده دالیسیندا, صهیونیسم, آمریکا و آیری دونیا ایستیکبارین خصمانه سیاستلری دایانیب کی اؤز باطیل خیاللارینا گؤره ایستیرلر ایسلام دونیاسیندا ایسلامی موقدساتی, جوانلارین گؤزوندن سالسینلار و اونلارین دینی حیسّلرین سؤندورسونلر. بو کثیف زنجیرین قاباقکی حلقه‌لری یعنی سلمان رشدی, دانمارکلی کاریکاتوریست و آمریکالی کشیشلری کی قورآنی اودا چکیردیلر و اونلارجا ضید ایسلامی فیلمدن کی صهیونیزمه باغلی اولان بونگاهلاردا سیفاریش وئریلیردی, حیمایت ائتمه‌ایدیلر, بو گون ایش بو بؤیوک و باغیشلانماز گوناها چاتمازدی. بو جینایتین بیریجی موتهمی صهیونستی رژیم و آمریکادیر. آمریکا سیاستمدارلاری اگر بو ایشده دخالتلری اولماماق ایدعاسیندا صادیقدیلر, گرک بو شنیع جینایتین عامیللری و اونلارین مالی ایسپانسرلرینی کی موسلمانلارین اورگینی آغریدیب, بو بؤیوک جورمونن موناسیب موجازاتا چاتدیرسین.

دونیانین باشا-باشینداکی موسلمان باجی و قارداشلار دا بیلسینلر کی دوشمنلرین, ایسلامی آییلما حرکتین قاباغیندا ائتدیکلری بو مذبوحانه حرکت, بو بشارتلی خیزشین اهمیتین گؤرسدیر. والله غالبٌ علی امره

سیدعلی خامنه ای

23/شهریور/1391

 


نوشته شده در   جمعه 24 شهريور 1391  توسط   مدیر پرتال    تعداد بازدید  925
PDF چاپ چاپ بازگشت
نظرات شما :
 
Refresh
SecurityCode