جام جم آنلاين: هلندلي دانيشمندلرين بير
دسته‌سي فقط بئش ژنتيكي جهش‌اينن بير جور قوش آنفولانزاسي دوزلديبلر كي چوخ
خطرليدير.
هلندين «اراسموس رتردام» طيبّي مركزينده
«ران فوشیه»نين باشچيليغي‌اينن بير طيبّي تيم قوش آنفولانزاسيني ياخجي تانيماق
اوچون، بئش ژنتيكي جهش‌اينن تازا H5N1 ويروسي اله
گتيرديلر كي يوخاري سورعت‌اينن سيچانلارين ايچينده داغيلير.
اينديليقدا H5N1
ويروسي راحاتليغينان آداملار آراسيندا اينتيقال تاپمير و 1990-جي اپيدميسي
جريانيندا 15 اؤلكه‌ده 570 نفر تأييد اولدو كي اونلارين 335 نفري اؤلدو.
بير حالداكي هلندلي دؤكتورلرين دئديگينه
گؤره، بو بئش جهش اوز وئرسه، چوخ خطرلي بير فرضيه اساسيندا، قوش آنفولانزاسي‌نين
تازا نوسخه‌سي دونيانين ياريسيني قيرا بيلر.
بو موحقيقلر، جهش تاپميش نوسخه‌نين
اونونجو نسلين سيچانلار اوستونده آزماييش ائله‌ماغينان نيشان وئرديلر كي آزماييش
اولانلارين يوزده الليسي بو ويروسا آلوده اولدولار.
اوردان كي سيچانين ديفاعي سيستمي اينسانا
بنزير، اولا بيلر كي بو ويروسون، آزماييش اولان سيچانلاردا كي اثري، اينسانلاردا
دا اولسون.
بو خبر بير شراييطده ياييلدي كي
دانيشمندلرين چوخو هلندلي دانيشمندلردن ايسته‌ييبلر اؤز تحقيقاتلاري‌نين دقيق
جوزئياتين او جومله‌دن بو جهش تاپميش ويروسون نئجه دوزلمه‌سيني مونتشير ائله‌مه‌‌سينلر.
چونكي جماعتين ايچينده بؤويك قورخويا سبب اولار.