مايا تمدوني موحقيقلري كي چاليشيرلار
بو ميلّتين گله‌جاغي بيلماق قودرتلري‌نين اولماقلاريني رد ائله‌سينلر، دئييرلر
2012-جي ايلين باشلاماسينا نيگرانچي‌ليغا يئر يوخدور چونكي دونيانين قورتولماسينا
اوزون زمان قالير يا هئچ اولماسا بللي اولمايان بير زمان قالير.
مهر خبرگوازاريسي‌نين گوزاريشينه
گؤره، مايالارين تقويمي دونيانين «بئش مين يوز ايگيرمي آلتي» ايلليك دؤنگه‌سيني
2012-جي ايلين دسامبرين 12 هنده‌ورينده اعلام ائديب، بير تاريخ كي او گون
مايالارين يارانيش و ساواش ايلاهه‌سي «بولون يوكته» قاييداجاق. مكزيكده
"نشنال اتونوموس" دانيشگاهي‌نين موحقيقي "اریک ولاسکوئز"
دئيير گرك كاميلاً بيلك كي 2012-جي ايل اوچون هئچ قاباقدان گؤرمه يوخدور و بو
شايعه‌لر تكجه بازاري غلط ايستيدلال‌لار و ايشتيباهلاردير.
مكزيكده‌كي اينسان‌شيناسي تاريخي
ميلّي مؤسيسه‌سي ده چاليشير تا دونيانين قورتولماسي باره‌ده اولان قاباقدان گؤرمه‌لري
خونثي ائله‌سين. مايالارين تقويمينده -كي اونون يازماسي ميلاددان اوچ مين يوز اون
دؤرد ايل قاباق باشلانيب و 394 ايل اولان «باكتون» آدلانان بؤلوملره تقسيم
اولوب،- 13 عددي موقدسدير و قراردي اون اوچونجو باكتوندا دونيا باشا چاتسين.
استراليا دا تروب دانيشگاهيندا
مايالارين سمبوللار موحقيقي "سون گرونمیر" -كي مايالارين تقويمي‌نين
رمزلريني آچماغا چوخ چاليشيب دئيير- مايالارين تقويمينده بو آخير گون حقيقتده بير
دؤره‌دن آيري دؤره‌يه دؤنوشدور كي مايالارين اينامينا گؤره «بولون یوکته »
قاييداجاق.
لايوساينسين گوزاريشينه گؤره،
موحقيقلرين دئدييگينه گؤره مايا ايمپراطورلوغون موختليف بؤلوملريندن تاپيلان 15
مين تصويرين آراسيندان، تكجه ايكيسينده 2012-جي ايله اشاره اولوب. اسپانيادا
"کامپلوتنز" دانيشگاهي‌نين پورفوسورو "آلفونسو لادنا"نين
دئديگينه گؤره، مايالار بشريت، دونيانين قيزيشماسي و يا قوطبلرين تركيبي باره‌ده
فيكر ائله‌مه‌ييبلر و بيز تكجه اؤز نيگرانچيليقلاريميزي اونلارين باستاني
بيلديقلارينا اينعيكاس وئريريك.