عالیملر، MIT-ده‏، ائله بیر یول تاپیپلار کی اونونلا لیتیوم یۆکۆنلرینی (یونهای لیتیوم)، چوخ یئیین شارژ ائتمک اولور. یاخشی خبر بودور کی بو روشده متداول ماده‏لر ایشله‏نیر؛ پس بو باتریلار ایکی ایلده بازاری تسخیر ائده‎بیلیر.

بیونگوو کانگ (Byoungwoo Kang) و گئربراند سئدئر (Gerbrand Ceder)، کمبریج ماساچوست تئکنولوژی موسسیه‎سینده لیتیوم یۆکونلرینین کومپوند کاتودوندان (cathode compound) آزاد اولوب آنود مخزنینه (anode store) قاییتمالارینینی یئیینلشدیریبدیرلر. ساده سؤزله، کانگ و سئدئر، نانو-ذره‏لر کوتله‏سینی (انبوه نانو ذره‏ها) دوزلدیب، باتریلرین معمولی یاپیسینی (ساختار) کاربون و دیگر ماده‎لرله بیرلشدیررک لیتیوم باتریلرینین معمولی یاپیسینی (ساختار) دییشدیردیلر.

بو شارژ-اولونابیلن باتریلر، بوتون دونیادا ایشلنن لیتیوم باتریلریندن داها چوخ یئرده ایشه گلندیرلر؛ برقی ماشینلار، دیز-اوستو کومپیوتئرلر (لپ‎تاپ‏ها)، داشینابیلن اویون سیستئملری (سیستم‏‎های بازی قابل حمل) و بونلار کیمی یئرلرده، بو باتریلر ایشه گلیر.

کانگ و سئدئر کشفـلرینین برقی ماشینلاردا بیراخدیغی تأثیردن چوخ هیجانلانیرلار.

اونلار دئییرلر: «باتریلرین نئچه ساعات یئرینه ثانیه کسیرینده شارژ و شارژسیز (دشارژ) اولنماسی، جدید شئیلرین اختراع اولونماسی و حیات طرزینین دییشمه‎سینه سبب اولور.»

هرگون تحلیله گئدن دونیادا برقی ماشینلار زمینه‎سینده ترقّی دونیانین یولونو دوزلدیب طبیعته یاخشی تأثیر بیراخابیلر.