پرو دا داغي رنگله‌ييب آغارتماقلا هاواني سرينله‌ديلر.
فرانسه‌نين تي‌وي5 كاناليندان نقل اولان مركزي خبر واحيدي‌نين
گوزاريشينه گؤره، پرو اؤلكه‌سينده قوراقليق و بوزلارين اريمه‌سي مال داوارين
جانلارين تهديد ائلير.
بئله‌ليكله، چوبانلار داوارلاريندان موغايات اولماق اوچون
داغلارين بير بؤلومون رنگله‌ديلر.
چوبانلارين بو ايشي فايدالي اولوب چون كي داغلاري رنگله‌نن
منطقه‌ده هاوا سرينله‌ييب.
پرولي چوبانلارين بيري دئيير: من اوشاق اولاندا داغلارين
باشي قار و بوزونان دولو اولاردي آما ايندي داغ باشلاري تيره رنگده‌ديلر
(قارسيزديلار).
بو دگيشمه‌لرين نتيجه‌سي بو اولوب كي بو داغلارين گؤيَنتي
اؤرتوسو آرادان گئديب و بو منطقه‌نين آداملاري كؤچماغا مجبور قاليبلار. آما بو
منطقه كاميل صورتده بوشالماميشدان «ادواردو گلد» آديندا بيري ايشه باشلاييب.
بوزلار اريينده، تيره رنگده اولان داغلار ايستيني
جانلارينا چكيرلر. بونا گؤره‌ده كي بو وضع قاييتسين گرك داغلارين رنگي آغ اولسون.
ادواردو گلد دئيير: بيز آزماييش مرحله‌سينده‌ييق. بو يول اولا بيلر باشاريلي
اولسون اولا بيلر شيكست يئيك. آما لاب آزي بودور كي بيز بير ايش گؤرموش اولوروق.
آما ايلكين نتيجه‌لر بيزي هويوخدوردو. بعضي رنگلنميش منطقه‌لرده
هاوانين دماسي اون ايكي درجه آزالدي.
آيري طرفدن، قايالارين آراسيندا تازادان بوز گؤروشور. پرولي
چوبان آرتيرير: بيزيم بو منطقه‌ده داها سويوموز يوخيدي آما داغلاري آغارداندان
سونرا، منطقه‌ده يئنه‌ده سو آخماغا باشلادي.
بئله‌ليكله منطقه‌يه اومود قاييديب آما اينديه‌جن تكجه اون‌بئش
مين متر موربع يعني اوچ فوتبال مئيداني‌جن داغ رنگله‌نيب. ادواردو گلدون قصدي وار
بئش‌يوز مين فوتبال مئيداني‌جن رنگله‌نسين. بو ايشين بير ميليارد بئش يوز ميليون
دولار خرجي وار.