متعادل تغذیه :
بیزیم چوخوموزا  زندگانلیغی  تعادله  یئتیرماغ  بیر حیاتی و مهم مطلبدی و بو تعادل زندگانلیغین مختلف زمینه لرینده از جمله درسی ورزشی شغلی و اجتماعی فعالیت لرینه شامل اولور. بو ترتیبینن  تعادل ایجاد ائلماق  تغذیه ده اوزوده چوخ مهم دی . بونا گوره کی أوز بدنیزی یاخچی وضعیتده  حفظ ائلیه سیز لازمدی کی  مواد غذایی نین نوع و زمان مصرفین دقتی نن تنظیم ائلیه سیز .
بیرمتعادل رژیم غذایی بو معنی یه دی کی مختلف اشخاص مختلف موادی مصرف اثله سینلر. بیر خاص رژیمی هامی یه مناسب دئیر. ولی  سن دن و یا سطح فعالیت دن گئچندن سونرا مناسب تغذیه اوچون  : اوچ اصل کلی  واردی کی عبارتدی : تعادل تنوع و میانه روی  

تعادل:
تعادلی اله گتیرماق ایکی محدودیه شامل اولر. اول بوکی  گرک مقدار کالری کی اله گتیریسوز و مقدار کالری کی بدنیز یاندیریر متعادل  اولسون . مثلا ممکن دی  بیر 16 یاشیندا قیز گونده کی فعالیت لرینده فقط 1800 کالری یه نیازی اولسون . اگر بو شخص تیم بسکتبالدا دا اویناسا ممکن دی نیازی 2400   کالری یه ده افزایش تاپسین.بو ورزشکارین وزنی نین ثابت قالماسینا گرک روزانه متوسط حدده 2400کالری  مصرف ائله سین . ائکی مینجی  لازمدی انرژی زا مواد غذایی نی یعنی کربوهیدراتلار - پروتیئن و چربی نین دریافتین متعادل ائله سین . بدن نین حدود 50 تا 60 درصد کالری سین گرک کربوهیدراتلار - 12 تا 20 درصد پروتئین لر و 20 تا 25 درصدی چربی لر تامین ائلی یر.

تنوع :
بونا گورکی  سیزون بدن اوز سالم قالا متفاوت مواد غذایی یه نیازی وار و یاخچی روش بونا گوره کی مطمئن اولاسوز بدن اوز تمام مواد غذایی مورد نیازی تامین اولور بودی کی جورباجور مواد غذایی دن استفاده ائله سوز.هر گروه غذایی بیر تعداد مواد غذایی نی تامین ائلر و هر خاص غذا منحصر بفرد مواد مغذی سی واردی .مثال اوچون :
لبنی فراورده لری پروتئین و کلسیم تامین ائلی یر.
گوشتی فراورده لری آهن - روی و پروتئین ائلی یر.
میوه لر و سبزیلرده A و Cوینامین لری و بیرتعداد کم یاب معدنی عناصر واردی .
اگر بیر گروه غذایی نی غذایی وعده لرینن حذف ائله سیز در واقع او دسته مواد غذایی  کی او گروه دان تامین اولوردی ارادان گئدیر و مواد مغذی نبن خطر آرادان گئتمه سی واردی و بو مورد باعث اولار مواد غدایی نین فایداسی آزالسین و احتمالاطولانی مدت مشکلاته  سلامتلیق اوچون منجر اولسون.
گروه های غذایی نین ایچینده هر غذادا تا حدودی متفاوت مواد مغذی واردی . موز و آلما پتاسیم نان دولودی و مرکبات و طالبی نین ویتامین c واردی. سعی ائله اون رژیم غذایی اوزده  تمام گروه های غذایی دن استفاده ائله سوز.

میانه روی
مردم ون چوخی اون نان چوخ کی کمبود مواد غذایی دن رنج آپارالارمواد غذایی دن حدین نن چوخ استفاده ائلیلر و معمولا مصرفی غذالری نین چوخلی کالری و چربی ، کلسترول و سدیم واریدی . میانه روی بو غذالرین مصرفینده اؤزی بیر نوع متعادل رژیم غذایی دیر .
اتین چربی سین و تویوغون دریسین کسیب و ائشیکه توکماق آساندی ولی گیزدین چربی نی غذا دان حذف ائله ماق چتیندی .بعضی غذالرین مثلا پیراشکی ، کلوچه ، کیک ، قیزارمیش ات ،لازانیا و پیتزا ممکندی چوخلی چربی لری اولسون .