آنفولانزا فصلي بير ناخوشلوقدور كي چوخ ياييلاندير. بونا
خاطير ناخوشلارينان ال وئرماق و اؤپوشماقدان اوزاق گزين.
بعضي يوللار وار كي اونلارينان آنفولانزا فصلينده (قيشدا)
بو ناخوشلوقدان اؤزوزو ساخلايا بيلرسيز:
1. غذايي رژيميز ساليم و موتعاديل اولسون. هر گون دوزگون
غذا يئماق باعيث اولار بدنين ايمني دستگاهي ساليم قالسين و بدنده ساليم ايمني
دستگاه، آنفولانزا كيمي ناخوشلوقلارا موبتلا اولماغين قاباغين آلار.
ساليم و موتعاديل يئماغيز اولماسا، بدنين ايمني‌سين
ساخلاماغا لازيم اولان ماده‌لردن محروم اولاجاقسيز.
چاليشين هر گون چوح ميقداردا موختليف گؤي و ميوه‌لردن
ايستيفاده ائده‌سيز.
2. گونده بير دانا مولتي ويتامين حبّي آتا بيلرسيز. مولتي
ويتامينده C ويتاميني وار
كي بدنين ايمن ساخلاماغينا كؤمك ائدر.
بعضي غذالارين چوخ موغذّي ماده‌لري وار آما بعضيسي بوجور
اولمور. بونا خاطير سيز بئله بيليرسيز كي تغذيه‌ز كافيدير آما گاهدان بئله اولمور.
مولتي ويتامين مصرفي بدنيزه لازيم اولان ويتامينلري -كي غذا
يولو اينن بدنيزه چاتمير- تأمين ائلير.
ياخجي مولتي ويتامين سئچيب آلماغا گؤره دؤكتوروز يادا
داواخانانين دؤكتوروندن مصلحت آلين.
3. هر ايل آنفولانزا واكسنين ووردورون. واكسن ووردورماق،
ساليم يئماق برنامه‌سي كناريندا سيزي آنفولانزايا دوچار اولماقدان ساخلار.
موهوم نوكته
1. موختليف و
ساليم غذالار يئماق و گونده‌ليق ورزيش‌اينن اؤزوزو بو ناخوشلوقدان ساخلايين.
2. بو نوخشلوق باره‌سينده چوخ‌دا حساس اولمايين. هامي
ناخوشلار، آما دوزگون مواظيب اولماغينان، تازادان ناخوشلاماقدان اوزاق گزماق اولار.
بعضي آداملار آيريلاريندان چوخ ناخوشلوق معرضينده اولورلار،
اوشاقلار، قوجالار، درماني مركزلر و بيماريستاندا ايشله‌ينلر، حاميله آروادلار و
ايمني سيستملري ضعيف اولان آداملار كيمي.
4. ناخشلارينان ال وئرماق و اؤپوشماقدان واز كئچين. عمومي و
ايجتيماعي موحيطلره واريد اولاندا، آنفولانزا توتماغيزين احتيمالي چوخالير.