بعضی آغریلار و علامتلر، معده و اثنی عشر یاراسینا دلالت ائله‌یه بیلر و جدی توتولمالیدیر.
معده و اثنی عشری یاراسی نسبتاً شایع ناخوشلوقلارداندیر و هر انسان یوزده 10 الی 15 بو درده مبتلا اولا بیلر.
بو ناخوشلوغون باشلانیشی قارین سانجیسیندان و معده باشی‌نین یانماسی اینن اولار. اولا بیلر مریض غذا یئدیغی زمان آغری حس ائله‌مه‌سین آما معمولاً بئله اولار.
بعضاً آغری‌نین شدتی مریضی گئجه یوخوسوندان آییلدا بیلیر و اونو معده شربتی و یا بیر تکه غذا یئماغا وادار ائلر.
البته بوگون بو مریضلیق دقیق معاینه‌لر تشخیص وئریلیر و داوا اینن درمان اولور.
بو ناخوشلوغون عامل‌لریندن اؤز باشینا مسکن و آسپرین مصرف اله‌ماق اولا بیلیر. آما بو ناخوشلوغون اساس عاملی هلیکوباکتر میکروبو اولور کی بهداشتی رعایت ائله‌ماق اونون قاباغینی آلا بیلر.