دیلی میلی‌نین وئردیغی خبره گؤره، هلندلی دانشجولار طبیعی مادّه‌لردن ساعتده 80 کیلومتر گئده بیلن ماشین دوزلدیبلر.
برقی ماشین حقیقتده، کتان گیاهیندان اولان لایه‌لرینن اؤرتولن، قند چوغونودورونون رزینیندن دوزلیب. آیندهون دانشگاهی‌نین دوزلدن گروهونون اعضاسیندان اولان یانیک ون ریل بو باره‌ده دئییر: فقط تکرلر و ترمز سیستمی طبیعی ماده‌دن دوزلمه‌ییب. بو ماشین لینا آدلانیب.
بو ماشین چوخ یونگولدور و فقط 320 کیلوگرم آغیرلیغی وار.
دوزلمیش نمونه هله تصادف آزمایشلرینده سینانماییب چونکی اونون بدنه‌سی فلزلر کیمی اَییلمه‌ییر بلکه سینیر.
بو ماشینی دوزلدنلرین قصدی وار جاری ایلده هلندین حمل و نقل مقاملاریندان اجازه آلاندان سونرا لینانی آزمایش ائله‌سینلر.
یونگول ماشین لیتیومی باطری اینن ایشله‌ییر و 8 کیلو وات قدرت بازدهیسی وار.
بو ماشین بیر دفعه شارژ اولماغینان 100 کیلومتر یول گئدیر و لاپ یوخاری سرعتی ساعت 80 کیلومتردیر.
دوزلدنلرین دئدیغینا گؤره، بو ماشین BMW3، نیسان لیف و تسلا3 اینن مقایسه‌ده 40 برابر ال وئریشلیدیر.
لینا محیط زیستی ساخلاماقدان علاوه، اؤز سرنشینلرینی تانییان و ایزله‌ین سنسورلارا مجهزدیر.
بو، تماماً طبیعی ماده‌لردن دوزلمیش دنیانین بیرینیجی ماشینیدیر.