هاروارد دانشگاهی‌نین محققلری بیرینجی دفعه اولاراق قیسا بیر فیلمی GIF دیری باکتری‌نین E.coli اوستونده ذخیره ائله‌ماغا موفق اولدولار.
بو عجیب بیر فکر اولسا دا عالملر CRISPR آدلی ژنتیکی بیر وسیله اینن بو ایشی گؤره بیلیبلر.
بو قیسا 5 فریملی فیلم قاچماقدا اولان بیر آتین فیلمیدیر.
اونلار بئش گون بویوندا هر فریم اوچون بیر دی‌ان‌آ E.coli باکتری‌یه آرتیردیلار. هابئله اونلار، نوکلئوتید واسطه‌سی اینن هر تصویرین پیکسلی ایله ارتباطلی بیر کد دوزلتدیلر.
اطلاعات باکتری‌نین ژنوموندا یئرلشیب، دی‌ان‌آ نین متوالی اولماسیندان سونرا فیلمه تبدیل اولدو. بو یولون دوزلوغو یوزده 90 اعلام اولوب.