آرایقلاماق نیّتینده اولساز کربوهیدراتلاری تماما یئمکلریزدن حذف ائتماق لازم دئییل. فقط پاستا و آغ چؤرک کیمی چوخ کالریلی کربوهیدراتلارا طرف گئتمه‌یین.
Activebeat-ین وئردیغی خبره گؤره، بیر سئری کربوهیدراتلار نه اینکی کؤکلتمزلر بلکه چکیزی آزالدا بیلرلر. بوندان علاوه کربوهیدراتلار بدنین لازم اولان انرژیسی و بئیین اوچون لازمدیرلر.
بو یازیدا سیزه بدنه لازم اولان و فیبر اینن دولور اولان عین حالدا کؤکلتمه‌ین کربوهیدراتلاری تانیتدیرماق ایستیروق:
یولاف یارماسی
بو کربوهیدرات فیبرینن دولودور و چوخ راحت بدنده هضم اولار. یولافین مصرفی بدنین یاغلارینی آزالدار و اورکین منظم ایشله‌مه‌سینه کؤمک ائلر.
بوغدا یارماسی
بوغدا بدنده اولان یاغی یاواش یاواش اریدر. گونده 5 گرم بوغدانی یاریم لیوان قاینار سودا ایسلادین و شام چاغی یئیین. آز مدت سونرا اونون نتیجه‌سی گؤروشه‌جاق.
لوبیه
لوبیه‌ده کربوهیدراتلاردان علاوه بدنه لازم اولان چوخ مقداردا پروتئین و دمیر وار.
کوینولا
اولابیلر بو خورکین آدینی ائشیتمه‌میش اولاسیز و اونون نه قدر فایدالی و پروتئینله دولو اولدوغونو بیلمیه‌سیز. کوینولا لوبیه شکلینده و عاج رنگینده تاخیلدیر کی ملایم و شیرین عطری وار. دویودن یونگولدور و اونون یئرینه ایشله‌دیله بیلر و معمولاً آشیندن غلیظلتمه‌سی اوچون استفاده اولونار. بو تاخیلدا بوللو مقداردا گلوتن و اسید آمینه وار.
که‌پکلی ماکارونی
آریقلاماق ایسته‌سز که‌پکلی ماکارونینی یئمکلریزدن حذف ائتمه‌یین. که‌پکلی ماکارونی‌نین مصرفی بدنیزه لازم اولان فیبری تأمین ائلر و اوزون مدت آجلیق حسی ائله‌مزسیز.
سبزیجات
اولا بیلر سبزیجاتین کربوهیدراتلار دسته‌سینده اولدوغنون بیلمیزدیز. سبزیجاتی یئمک برنامه‌زدن اوزاخلاتماغینان بدنیزی فیبر، ویتامینلر، معدنی ماده‌لر و آنتی اوکسیدانلاردان محروم ائله‌میش اولور و اوزون مدتده چکی آرتیمینا سبب اولورسوز.
قهوه رنگینده دویو
اوزون مدت آجالماق ایسته‌مه‌سز عینی حالدا بدنیزین یاغلارینی اریتماق ایسته‌سز، قهوه رنگینده دویونو آغ دویونون یئرینه ایشله‌دین. بو دویونون آریقلاتما خاصیتینده علاوه معدنی ماده‌لر و ویتامینلردن دولو اولماسی‌دا وار.
جو
مطالعه‌لر کومپلکس کربوهیدراتیلارین میان وعده یئمکلر اوچون لاپ ایده‌آل اولدوقلارینی گؤرسدیر. جو کومپلکس کربوهیدراتلاردان ساییلیر کی میان وعده‌لرده اونون مصرفی قانیزین قندینی تنظیمه سالار و نشاسته مصرفیندن سیزی بی نیاز ائلر.
میوه‌لر
میوه‌لر ده سبزیجات کیمی کربوهیدراتلار سیراسیندا یئرلشیرلر. آناناس، اوزوم، قارپیز، آلما، طالبی، گریپ فروت و نار آز کربوهیدراتلی میوه‌لردن ساییلیرلار و بدنین یاغ اریتمه‌سینه کؤمک ائلرلر.