مشهور فیزیک بیلن استفان هاوکینگ اؤز تازا پیشبینلیغیندا یئر اوزونده زندگانلیغین سونا چاتماسیندان خبر وئردی و ادعا ائله‌دی کی انسان اؤزو اوچون آیری یاشاییش یئری تاپمالیدیر.
تک تایمزین وئردیغی خبره گؤره، اونون نظرینه گؤره محیط زیستین تخریبی یئری تهدید ائله‌یه‌جاق قدر جدی اولوبدور و فضایی تکنولوژیلردن انسانلاری آیری کره‌لره داشیماغا استفاده ائله‌ماق لازمدیر.
هاوکینگین دئدیغینا اساساً اقلیم دَییشیکلیغی، جمعیتین چوخالماسی، سرایت ائله‌ین ناخوشلوقلار و گؤی داشلاری یئری نا امن ائله‌ین عامل‌لردیلر.
او اومید ائله‌دی انسانلار گله‌جتق ایللرده اؤزلری اوچون تازا یاشاییش یئره تاپا بیلسینلر.
هاوکینگ بوندان اول 2016 دا انسانلارین یئر اوزونده یاشایا بیله‌جاقلارینی پیشبینلیق ائله‌میشدی. آما بیر ایلدن آز واصله اینن او نظرینی دَییشدی.
اونون اعتقادینا گؤره، نجوم، زیست شناسی و فضایی صنعت ساحه‌لرینده ترقی انسانلارا مریخ کره‌سینه سفر ائله‌ماغا امکان وئره‌جاق. اونون نظرینه گؤره انسانلار سفر بویو قیش یوخوسونا گئدیب مقصده چاتاندان سونرا آییلاجاقلار.
بو فیزیک بیلنین نظرینه گؤره آی و مریخین تسخیری انسانین محو اولماسی‌نین قاباغینی آلاجاق.