نیو اطلسین وئردیغی خبره گؤره، کیچیک و اوجوز ماشینلار تولید ائله‌ماغا مشهور اولان انگلستانلی Mini Living آدلی شرکت تازالیقدا ایتالیاداکی نمایشگاهدا اوچ طبقه‌ده اولان 50 متر مربعلیق ائو نمایشه قویوب.
SO-IL معمارلیق شرکتی همراهلیی اینن دوزلن بو اوچ طبقه ائو، Breathe آدلاندیریبلار. بو ائوی شهرین لاپ شلوغ یئرینده چوخ راحت دوزلدیب لازم اولان تقدیرده آیری یئره داشیماق اولار.
ائوین قالیبی فلزدن و انعطافلیدیر. بو ائوین آلتی اوتاغی و بیر اوست اورتولو باغچاسی وار.
اول طبقه‌ده آشپزخانا و اوتوماق اوتاغی یئرلشیر. البته قالیبی‌نین دَییشمک قابلیتی اولدوغوندان هر طبقه‌نین اوتاقلاری‌نین اندازه‌سی‌نی دَییشمک‌ده اولار.
بو ائوین ایچ دیوارلاری ائله‌ده قالین دئییل. حقیقتده اونون جنسی مخصوص پارچادان دوزلیب کی ائوین ایچینده‌کیلر ائوین هر طرفینی گؤره بیلسینلر.
داخلی دیوارلاردان علاوه ساختمانین ائشیک اؤزتوگو ده شفافدیر.
جالب بوراسیدیر کی ائوین ساکنلری ائوین یئرینی دَییشماق ایسته‌سه‌لر چوخ راحت اونو ییغیشدیریب آیری یئره آپارا بیلرلر.
بو طرح ائله ایندی میلانین Salone del Mobile نمایشگاهیندا گؤروش معرضینده‌دیر.