صليب
سورخون بين‌المللي دراسيونو (IFRC) دئيير دونيادا چاقلارين ساييسي
آجلارين ساييسيندان چوخدور، آما
آجلارين غذايي بوحران موصيبتلري چوخالماقدادير.
فرانسه
خبرگوزاريسي‌نين گوزاريشينه گؤره «ژنو»ده يئرله‌شن بو گوروه ايلليك «دونيا
موصيبتلر گوزاريشي»نده كي سپتامبرين 22-نده دهلي‌نو دا يايدي، تغذيه
مسأله‌سينه
موتمركيز اولوب وارلي‌لارينان يوخسول‌لارين نابرابرليگينه و مواد غذايي‌نين
بيردم
بيره باهالاشماسيندان يارانان موشكول‌لره تأكيد ائديب.
(IFRC) بير آمارين وئرمه‌سي‌اينن كي
غذانين بؤلمه‌سينده نابرابرليگي
نيشان وئرير، تأكيد ائله‌دي كئچن ايل 1.5 اينسان چاقليغا موبتلا اولوب، حال
بوكي
سوء تغذيه اولانلارين سايي 925 ميليون نفريدي.
صليب
سورخون دبير كولّي، «بكل جلتا» بير بيانيه‌ده دئدي: آگر بازار نيرولاري‌نين
تعامولونون نتيجه‌سي بو اولوب كي اينسانلارين 15 درصدي آج اولا و اونلارين
20
درصدي چاق اولا، بو نيشان وئرير كي بوردا بير ايشتيباه وار.
صليب
سورخون آسيا-اوقيانوسيه بخشي‌نين رئيسي «جاگان شاپاگين» هيندين پايتختينده
اولان
كونفرانسدا بو وضعيتي «موضاعف روسوايچيليق» آدلانديريب آرتيردي «ايندي چوخ
يئمك
آجليقدان چوخ، اينسانلارين اؤلومونه باعيث اولور.»
2011-جي ايلده غذانين قيمتي
يوخاري گئتدي و 2008-ده كي بوحرانين
تيكرار اولماق نيگرانچي‌ليغيني ياراتدي. او بوحران چوخلو اؤلكه‌لرده
شوريشلر و
سياسي ناپايدارليغا سبب اولموشدو.
غذا قيمتي‌نين
چوخالماسي كي صليب سورخ، سوفته‌بازليق و يئرين آب و هاواسي‌نين دگيشمه‌سين
بو
مسأله‌ده دخيل بيلير، بو ايل آفريقا شوماليندا و خاورميانه‌ده اولان سياسي
شولوقلوقلاردا دخيل بيلينير.
بو سازمان
دئدي: «مواد غذايي باهالاشماسي‌نين تازا دؤره‌سي دونيانين لاب يوخسول
اؤلكه‌لرين
چوخونو درين يوخسوللوق و سوءتغذيه و آجليغا سالاجاق.»
«دونيا موصيبتلر گوزاريشي» صليب
سورخون ايلليك گوزاريشيدير كي
اونون هدفي توجّه‌لري دونياندا نيگرانچيلاغا باعيث اولان بير موضوعا جلب
ائله‌مكدير.
بو تحقيق كئچن ايل «شهري اولماق» و 2009-نجي ايلده ايدز و سلامتليغا ديقت
يئتيرميشدي.