ير تغذيه موتخصيصي دئدي: يوغورت اوشاقلاردا
ايسهالين درمانيندا موفيد اولماقدان علاوه بؤيوكلرين كلسيوم احتياجيني تأمين ائلر
و بوغارساق سرطاني‌نين قاباغين آلار.
سعيد حسيني فارسينان دانيشيقدا آرتيردي: يوغورت رژيمي
پروتئين اوچون ياخجي منبع ساييلير. هر ليواندا تقريباً10 تا 14 گيرم پروتئين وار
كي اوشاقلارين روشدونه فايدادير.
او دئدي: يوغورت اوشاقلارين ايسهالينا ياخجي درماندي،
يوغورتدا اولان اسيد لاكتيك ده غذانين هضمين راحاتلادار و غذادا اولان موغذّي
تركيبلرين جذبيني آسانلادار، مخصوصاً سوءجذب و روشدون آزليغينا موبتلا اولان
اوشاقلاردا چوخ فايداليدير.
بو تعذيه موتخصّيصي آرتيردي: يوغورتدا اولان كلسيوم بؤيوك
باغيرساغين پوشيشي سلول‌لارين حدسيز روشدونون قاباغين آلار و كلسيوم مصرفلري چوخ
اولانلاردا بوغارساق سرطاني آز اولار.
حسيني دئدي: يوغورت كلسيومدان دولو بير منبعدي.250 ميلي
ليتر (بير ليوان) يوغورتدا 450 گيرم كلسيوم اولور. بو ميقدار بؤيوك اينسانين 40
درصد كلسيومون يئتيرر.
بو تغذيه موتخصّيصي آرتيردي: يوغورتدا كي ديري باكتريلرين
اولماسي، كلسويومون راحات جذب اولماسينا كؤمك ائدر.
تحقيقلر نيشان وئريب يوغورت قانين كولسترولون آزالدار كي
ايمكاني وار ديري باكتريلرين فعاليتلري‌نين اثرينده و كولسترولون متابوليسمي‌نين
راحاتليغينا گؤره اولا.