جام جم انلاين: اورك نوخوشلوغو اثرينده جانين الدن وئرمكده اولان 40 ياشلي آتا
انگيليستاندا بيرينجي دفعه تماماً مصنوعي بير اورك آلماغينان ياشاييشا قاييتدي.
مهرين گوزاريشينه گؤره«ماتيو گرين» ايندي ائليه بيلر ائوده اوتوروب اورك
پئيوندي‌نين نوبه‌سيني گؤزله‌سين. آخي ايشدن توشموش اورگي بير مصنوعي و پلاستيك
اورگينن دگيشيب. اونون پلاستيكدن اولان اورگي اؤز انرژيسيني كوله‌پوشتي‌سينده كي
باتريدان آلير.
دئييله‌نه گؤره بو بيرينجي انگيليسليدير كي بئله بير موقّت و تماماً مصنوعي
اورك آلير. اينديه‌جن دونيانين با-باشيندا 900-دن چوخ بونا اوخشار جراحليق اولوب.
گرينين دؤكتورلري‌نين دئديگينه گؤره بو پلاستيك اورك اولماسايدي او واقعي اورك
نوبه‌سي چاتينجا ديري قالا بيلمزدي. دؤكتورلرين دئديگينه گؤره بو بيرينجي دفعه‌دير
كي بير انگيليسلي مصنوعي اورگينن انگيليستان خيابانلاريندا قدم وورور.
گرين تماماً مصنوعي اولان Sny
cardia اورگيني موقّت بير اورك كيمي قبول ائله‌ييب تا اصلي پئيوند
نوبه‌سي يئتيشه‌نه‌جن عادي زيندگانليغين ائليه و هميشه 6 كيلولوق باتريني بئلينده
داشيه تا پلاستيك اورك دؤيونمكدن دايانمايا.
بو وسيله واقعي اورك كيميدير و ايكي بطن و اورك دامارلاري
وار آما اوزون مودّت اوچون فايداسي يوخدور و نوخوش هر نه تئزراق گرك واقعي اورك
قبول ائله‌يه.