جام جم آنلاين: بهداشت ويزارتي‌نين بهداشتي موعاويني‌نين تغذيه موشاويري
دئدي: يئمك زماني چوخ سو و مايعات ايچمك، غذانين هضمينه خيلل واريد ائدر.
خبر شبكه‌سي‌نين گوزاريشينه گؤره،
دوكتور ابوالقاسم جزايري آرتيردي: غذا يئمك زماني سو و مايعاتين چوخ ايچيلمه‌سي
گوواريشي شيره‌لرين رقيقلنمه‌سينه باعيث اولار و غذانين هضم و جذب اولماسيندا خيلل
واريد ائدر كي بونون نتيجه‌سينده گوورايش دستگاهيندا ناراحاتليق و نفخ يارانار.
بهداشت ويزارتي‌نين بهداشتي موعاويني‌نين تغذيه موشاويري دئدي: غذانين
بيرينجي هضم اولماق مرحله‌سي آغيزدا و آغيز سويو واسيطه‌سينن اولار و بونا خاطير
غذا گرك ياخشي چئينه‌نيب و آغيز سويو اينن قاريشا.
دوكتور جزايري آيدينلاتدي: غذانين
تله‌سيك يئييليب ياخشي چئينه‌نمه‌مه‌‌سي،
اونون هضم و جذب اولماسيندا خيلل يارالدار و بو مسأله قارين سانجيسي ، آغيرليق، و
گوواريشي ناراحاتليقلارا باعيث اولا بيلر.
بهداشت ويزارتي‌نين بهداشتي موعاويني‌نين تغذيه موشاويري توصيه ائله دي:
غذا گرك يئييلن زمان موناسيب حرارتي اولا يعني نه گرك چوخ سويوق و نه گرك چوخ
ايستي اولا و هابئله تئز هضم اولماق اوچون گرك ياواش ياواش چئنه‌نه.