تبریزین علوم
پزشکی دانشکده‌سی‌نین محققلری پری بیوتیک ماکارونی دوزلتماغینان بؤیوک باغیرساق
سرطانی‌نین قاباغین آلماغا تأثیرلی اقداما ال ووردولار.
امیر امینی
غذایی علملر ارش ایش بیلنی مهره دئدی: بیز داوا خاصیّتی اولان یئمه‌لی ماکارونی
دوزلتمیشوق کی و فراسودمند غذالاردان ساییلیر.
او بونو
دئماغینان کی اؤلکه‌میزده غیرمناسب تغذیه‌یه گؤره بؤیوک سرطان مبتلالارین یاشی‌نین
آشاغی یئنمه‌سینه اشاره ائله‌ماغینان آرتیردی: بو ماکارونی‌نی یئماق شخصین
ساغلاملیغینی آرتیرار و کلون سرطانی‌نین قاباغینی آلار. حقیقتده بو محصولون کؤمگی
ایله کلون یا بؤیوک باغیرساق سرطانی‌نین ابتلا احتمالی آزالاجاق.
او پرو بیوتیک
و پری بیوتیکلرین فرقلرینه اشاره ائله‌ییب دئدی: پروبیوتیکلر دیری میکرو
اورگانیزملریدیلر کی بؤیوک باغیرساغین دیوارلاریندا روشد ائلیرلر. آما پری
بیوتیکلر، پرو بیوتیکلرین غذاسی ساییلیرلار. یعنی پروبیوتیکلر پری بیوتیکلریدن
تغذیه ائله‌ییب اؤز سلامت تأثیرلرینی بدنه قویورلار.
امینی پروبیوتیک‌لی
یا پری بیوتیک‌لی غذالارین فایدالی اولدوقلارین دئماغینان آرتیردی: پری بیوتیک
داها آرتیق فایدالی دیلار. چونکی بدنین اؤزونده پروبیوتیک آز سایدا وار و اولاری
پری بیوتیک اینن تغذیه اله‌ماغینان سایلاری آرتار.
بو محقق بونا
اشاره ائله‌ماغینان کی بو اختراع ایندی تجاری اولماق عرفه‌سینده دیر آرتیردی: بو
محصولون خارجی و داخلی نمونه و تایی یوخدور.
او تأکید ائله‌دی:
بو ماکارونی اولیه نمونه کیمی تولید اولوب و انبوه تولید اوچون حمایته احتجای وار.