عالملین بئیینی اسکن ائله‌ماغینان انسانلارین لاپ گیزلی سرّلارینا ال تاپماق ایستیرلر.

انسان بئینینه نفوذ ائله‌ماق همیشه عالملرین آرزوسو اولوب. ائله کی تازا چیخان تکنولوژیلارین چوخو بو مقصده چاتماق یولوندا عرصه‌یه گلیب.

بو ساحه‌ده تازا ایشلر گؤرولور. عالملر بئینی اسکن ائله‌ماغینان شخصین هویتی و گیزلی سرّلارینا ال تاپماق ایستیرلر.

تگزاسین فنی دانشکده‌سی‌ عالملری‌نین تحقیقلری، بئیین دالغالارین اسکنی و یا همان  EEG اینن، بو یولدا بؤیوک آددیم آتماغا اومیدی اولدوغونو بیلدیریب.

بو تحقیقده بللی اولوب کی بئیین دالغالارینی اسکن ائله‌ماغینان بئینین خاکستری لایه‌سینه داها آرتیق ال چاتدیرماق اولار بو دا انسانین ذهنینده گیزلنمیش سرّلارین آشکار اولونماسی معناسیندادیر.

بو تحقیقلرین ادامه‌سی اینن، شخصی حریمین خطره توشماق باره‌سینده‌ نگرانچیلیقلار دا چوخالیر.

بو عالملرین تحقیقلری بئیین سیگنال‌لاری‌نین بؤیوک اطلاعات دنیاسی اولدوغونو آشکار ائلیر کی اونلاری اسکن ائله‌ماغینان او اطلاعاتا ال چاتدیرماق اولار.

هرچند بو چالیشمالار ظاهرده پزشکی علمین ترقّیسی اوچوندور آما عالملر بو تکنولوژی‌نین منفی انسانلار الینه دوشمه‌سیندن قورخورلار.