اینقیلابین موعظم رهبری اؤلکه‌نین علمیه حوزه‌لری‌نین عالی
شورا اعضاسی‌نین گؤروشونده بویوردو:
علمیه حوزه‌لرده دگیشماق ضروریدیر.
علیمیه حوزه‌لرده ایشین اصلی مبناسی فقیه تربیت ائله‌ماقدیر
اینقیلابین موعظم رهبری حضرت آيت‌الله
العظمي خامنه‌اي اؤلکه‌نین علمیه حوزه‌لری‌نین
عالی شورا اعضاسی‌نین گؤروشونده, تأثیرلی عالیملر و روحانیلرین تربیتینده بو
شورانین منزیلت و یئرینه ایشاره ائدیب, علمیه حوزه‌لرده دگیشمه‌لری جیدّی توتماغا
و اونون داخیلی ظرفیتلرین جانلاندیرماغا و طلبه‌لرین اخلاق, فیکیر و دینی معریفتین
چوخالماسینا تأکید ائله‌دی.
اینقیلابین موعظم رهبری, علیمیه حوزه‌لرینده ایشین اصلی
مبناسینی فقیه تربیت ائله‌ماق ساییب و بویوردو: بو اصلی مبنانین کناریندا لازیمدیر
کی فلسفه و کلام کیمی عقلی علملرین تعلیمینه دیقّت یئتیریله.
او
حضرت, علمیه حوزه‌لرینه حاکیم اولان روحی, بؤیوک عالیملرین تربیتی بیلیب علمیه حوزه‌لری
فعالیتلری‌نین «صورت و قالیب» لوازیمی‌نین تبیینینده, ایداری تشکیلاتی
گئنیشلندیرمک, موازی ایشله‌مک, مدرک دالیسیجان اولماق و دیوان‌سالارانه مودیریتی
رَویشلردن اوزاق گزماغا تأکید ائله‌دی.
اینقیلابین
موعظم رهبری علمیه حوزه‌لرده تعلیم و علمی سطحین گوجلندیرمه‌سینی ضروری بیلیب
تصریح ائله‌دیلر: واجیبدیر کی علمیه حوزه‌لرین عالی شوراسی بو زمینه‌ده برنامه
تؤکسون.
اینقیلابین
موعظم رهبری‌نین فرماییشلریندن قاباق, علمیه حوزه‌لرین عالی شوراسی‌نین رئیسی, آيت‌الله
استادي و سونرا حضرات آقالار مقتدايي،غروي و حسيني بوشهري حوزه‌نین اوّلکی
مودیریت دؤره‌لرینده‌کی ایشلریندن گوزاریش وئریب و عالی شورانین گله‌جکده اولان
برنامه‌لریندن و سیاستلرین بیان ائله‌دیلر.