ایمام خمینی(ره):
موباریزه‌نین ریفاه آختارماغینان موناسیبتی یوخدور, و اونلار کی تصوور ائلیرلر
محروملار و موستضعفلرین ایستیقلال و آزادلیغی یولوندا موباریزه‌نین, سرمایه‌دارلیق
و ریفاه آختارماغینان مونافاتی یوخدور, موباریزه‌نین الیفباسی ایله
بیگانه‌دیلر.
فارسین سیاسی خبرنیگاری:
ایمام خمینی‌نین (ره) ۲۹ تیر آیی ۱۳۶۷ تاریخینده دانیشیغی‌نین بیر قیسمتی
بئله‌دیر:
*هامیمیز بیلیریک کی اؤلکه‌میز جنگ و
اینقیلابدا چتینلیقلار و موشکوللر تحمول ائدیب و هئچ کسین ایدعاسی یوخدور کی محروم
و آز گلیرلی و ضعیف طبقه و مخصوصاً کارمند و ایداری قیشرلر, ایقتیصادی موشکولده
دئییللر, آما بیر شئی کی بیزیم جماعت اوندان یوخاری دوشونور ایسلام و اینقیلابین
اصولینی ساخلاماقدیر. ایران جماعتی ثابیت ائدیب کی آجلیغا و سوسوزلوغا تابی وار,
آما اینقیلابین شیکستی و اونون اصولونا ضربه دگمه‌سینه تحمول ائتمز . .
.
* آیا ایران جماعتی عراقا نیظامی و
ایطیلاعاتی کؤمکلیق ائله‌ماق و نفت ایستگاهلارینا و گمیلره و قاییقلارا حمله
ائله‌ماق و موسافیری طیاره‌نی وورماق کیمی آمریکانین موختلیف جینایتلری قاباغیندا
موقاویمت ائله‌مه‌دی؟ آیا ایران جماعتی شرق و غربین اؤز علئیهینه اولان دیپلوماسی
جنگده و بین‌المیللی مجمعلرده سیاسی اویونلارین یولا سالماسی قاباغیندا دایانمادی؟
آیا ایرانین قورخماز جماعتی ایقتیصادی, تبلیغی و روانی جنگلر و عراقین شهرلره وحشیانه
حمله ائله‌ماغی و مسکونی منطقه‌لره موشک یاغدیرماق و ایران شهرلرین و حلبچه‌نی
شیمیایی بومباران ائله‌مه‌سی موقابیلینده دایانمادی؟ آیا ایرانین عزیز جماعتی
مونافیقلر, لیبراللار و سرمایه‌دارلارین احتیکاری و ریاکار موقدسلرین
قاباغیندا دایانمادی؟ آیا بو حادیثه‌لر و جریانلار اینقیلابین اصللرینه ضربه
وورماقدان اؤترو دئییل؟ کی جماعتین حضورو اولماسایدی, بو توطئه‌لرین هر بیری
نیظامین اصللرینه ضربه ووراردی. کی آللاها شاکیروق کی ایران جماعتینی موفق ائله‌دی
مؤحکم قامتله اؤز ریسالتینه عمل ائله‌دی و صحنه‌لری ترک ائله‌مه‌دی . .
.
* موباریزه‌نین ریفاه آختارماغینان
موناسیبتی یوخدور, و اونلار کی تصوور ائلیرلر محروملار و موستضعفلرین ایستیقلال و
آزادلیغی یولوندا موباریزه‌نین, سرمایه‌دارلیق و ریفاه آختارماغینان مونافاتی
یوخدور, موباریزه‌نین الیفباسی ایله بیگانه‌دیلر. و اونلار کی تصوور ائدیرلر کی
سرمایه‌دارلار و دردسیزلر نصیحت اینن تنبیه اولارلار و آزادلیق یولونداکی موبارزلره
قوشولوب اونلارا کؤمک ائدرلر, هَوَنگده سو دؤیورلر. موباریزه و رفاه و سرمایه بحثی,
ریفاه آختارماق و قیام, دونیا دالیسیجان اولماق و آخیرتی آختارماق ایکی مَقوله‌دیر
کی هئچ واخت بیر یئره ییغیشمازلار. و فقط او کسلر خطین آخیرینه‌جن بیزینن
اولاجاقلار کی یوخسوللوق و محروملوق و ایستیضعافی دادمیش اولسونلار.