ترکی | فارسی | العربیة | English | اردو | Türkçe | Français | Deutsch
دوشنبه 7 خرداد 1403 - 18 ذو القعدة 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 117
ديروز : 6
ماه : 3274
 
تاریخ : شنبه 28 آبان 1390     |     کد : 196

كولّ قوانين موعظم فرماندهي‌نين دوشمنلره هوشداري: هر تجاوزي ارتش، سيپاه و بسيجين مؤحكم و پولاد سيلّيسي‌اينن جواب وئره‌روق.

حضرت آیت الله خامنه‌ای بويوردولار: هر كسين خيالينا جمهوري ايسلامي ايرانا تجاوز ائله‌ماق دوشه گرك اؤزونو ارتش، سيپاه و بسيج و بير سؤزده ايرانين بؤيوك جماعتي‌نين مؤحكم و پولاد سيلّي‌سينه حاضيرلاسين.


حضرت آیت الله خامنه‌ای بويوردولار: هر كسين خيالينا جمهوري ايسلامي ايرانا تجاوز ائله‌ماق دوشه گرك اؤزونو ارتش، سيپاه و بسيج و بير سؤزده ايرانين بؤيوك جماعتي‌نين مؤحكم و پولاد سيلّي‌سينه حاضيرلاسين.

فارس خبرگوزاريسي‌نين موظم رهبري مقامين ايطيلاع رساني پايگاهيندان نقل اولان گوزاريشينه گؤره، جمهوري ايسلامي ايرانين افسري دانيشگاهلارين دانيشجولاري‌نين آند ايچمه مراسيمينده، ايمام علي (ع) افسري دانيشگاهيندا موهوم سؤزلرين ضيمنينده تأكيد ائله‌ديلر: دوشمنلر مخصوصاً آمريكا و اسراييل و نؤكرلري بيلسينلر كي ايران جماعتي هئچ اؤلكه و جماعته تجاوز اهلي دئييل آما هر جور تجاوز و حتي تهديدي كاميل قودرتينن ائله جواب وئره‌جاق كي مؤعتريضلري و موتجاويزلري ايچريدن داغيلداجاق.

كولّ قوا فرماندهي آرتيرديلار: ايرانين اوستوار جماعتي، بير جماعت دئييل كي اوتوروب ايچه‌ريدن قورت يئميش يالانچي و مادّي تهديدلرين تاماشاچيسي اولا.

ايسلامي اينقيلاب رهبري خاطيرلاتديلار: هر كسين خيالينا جمهوري ايسلامي ايرانا تجاوز ائله‌ماق دوشه گرك اؤزونو ارتش، سيپاه و بسيج و بير سؤزده ايرانين بؤيوك جماعتي‌نين مؤحكم و پولاد سيلّي‌سينه حاضيرلاسين.

حضرت آیت الله خامنه‌ای ايرانين بوتون جماعتيني مخصوصاً موسلّح نيرولاري ميلّي عيزّت و بين‌الميللي ايقتيدارين ساخلاماسي‌نين ايدامه وئرمه‌سينه چاغيريب تأكيد ائله‌ديلر:جمهوري ايسلامي نيظامي‌نين موستحكم دوزليشي و ميلّي ايتحاد و ايران جماعتي‌نين بير-بيرينه ياخينليغي لاب موهوم بازدارنده قوردتدير و هامي‌نين وظيفه‌سي وار نيظامين بو موستحكم دوزليشيني ساخلانسين و اونا داها دا ايستيحكام وئرسين.

اونلار موسلح نيرولارين جهاد و علم مئيدانيندا ايمان و معنويت‌اينن بيرليقدا حاضير اولماقلاريني، عيزّت مايه‌سي بيليب و آرتيرديلار: بير اؤلكه و جماعت كي ثابيت ائليه اؤز ايستيقلال، آرمان و موجوديتيندن جانانه ديفاع ائله‌ماغا حاضيردير، هميشه عزيزدير.

ايسلامي اينقيلاب رهبري خاطيرلاتديلار: بير دونيادا كي هله ميلّتلرين و اؤلكه‌لرين آراسينداكي رابيطه‌لر اسلحه و سرنئيزه قودرتينه دايانيب و قولدورلار چاليشيرلار پولاد يوموروقلارينان ميلّتلرين سرنوشتلرين اللرينه آلسينلار، او ميلّت صدمه‌دن محفوظ قالاجاق كي ديفاع اوچون حاضير اولماسيني نيشان وئره.

 

حضرت آیت الله خامنه‌ای موسلح نيرولارين او جومله‌دن ارتشين ديفاعي حاضيرليقلارينا ايشاره ائله‌ماغينان بويوردولار: اؤلكه‌نين موسلح نيرولاري كي دانيش و علم و مؤمونانه موجاهيدته صاحيبديلر، منطقه و دونيادا تايسيزدير و بئله موسلح نيرولار بير جماعتين عالي هيمّتي‌نين نتيجه‌سيدير كي اؤز راسخ عزميني ايمان، ايسلام و ديانت پرچمي‌نين اسديرمه‌سي اوچون ايشه سالير.

ايسلامي اينقيلاب رهبري‌نين سؤزلريندن قاباق، ارتشين كولّ فرماندهي امیرسرلشکر صالحی كولّ قوا فرماندهي‌نه خوش گلدين دئماق ضيمنينده جمهوری ايسلامی ایران ارتشي‌نين هر جور فرا منطقه‌اي تهديدين موقابيلينده موقتديرانه و وقتينده جواب وئرماغا حاضير اولماسينا تأكيد ائله‌دي.

ايمام علي (ع) افسري دانيشگاهي‌نين فرماندهي امیرسرتیپ دوم رشیدزاده ده تحصيلي گوزاريشي وئرماغينان دئدي: معنويت و ديني شيناختين تعميقي، آموزشين و كارآمدليغين كيفيتيني چوخالتماق، علم توليدي كناريندا رزمي و نيظامي آموزشلر، آزماييشگاهلار و كيتابخانالارين تجهيز و توسعه‌سي و ارتشين افسري دانيشگاهلاري‌نين همكارليق توسعه‌لري گؤرولن ايشلردندير.

بو مراسيمده كول قوا فرماندهي ايتگين شهيدلرين مزاريندا حاضير اولماغينان، فاتحه قرائتي ضيمنينده  موقدس ديفاع شهيدلري‌نين ياد و خاطيره‌لريني عزيز سايديلار.

سونرا حضرت آیت الله خامنه‌ای مئيداندا يگانلاردان سان گؤردولر.

بو مراسيمده شهيد خانيواده‌لري، فرماندهلر، جمهوری ايسلامی ایران ارتشي افسري دانيشگاهلاري‌نين سئچيلميش اوستادلار و فارغ‌التحصيللري اؤز هديه و درجه‌لرينه ايسلامي اينقيلاب رهبري‌نين اليندن آلديلار. كول قوا فرماندهي ارتشين افسري دانيشگاهلاري‌نين تازا دانيشجولار نوماينده‌سي‌نين‌ده سردوشي‌سيني اهدا ائله‌ديلر.

بو مراسيمين ايدامه‌سينده، مئيداني مانور برنامه‌سي ايجرا اولدو و مراسيمين آخيرينده‌ده مئيداندا كي يگانلار كول قوا فرماندهي موقابيليندن رژه گئتديلر.


نوشته شده در   شنبه 28 آبان 1390  توسط   مدیر پرتال    تعداد بازدید  429
PDF چاپ چاپ بازگشت
نظرات شما :
 
Refresh
SecurityCode