اؤلکه‌میزین راهنمایی و دبیرستان مقطعلری محصّلری‌نین جمعیتینده‌کی سون تحقیقات، بو یاشداکی اوشاقلارین بویلاری‌نین 4 سانتی متر آلچالماسی و دیشلری‌نین قاباقکی نسله گؤره یوزده اوتوز داها چوخ خراب
اولماسینی گؤرسَدیر.
اعتمادین
وئردیغی خبره گؤره، کئچن 20 ایل بویوندا جمعیتیمیزین چوخالماسینا باخمایاراق سوت
محصول‌لاری‌نین مصرفی فقط مینده بیر آرتیب.
رسمی خبرلره گؤره،
کئچن ایللرده سوت محصول‌لاریندان سوبسیدین حذف اولماسی اینن بو محصول‌لارین
مصرفینده یوزده 22 آزالما مشاهده اولوب. بو مسأله‌نین اساس عاملی سوت محصول‌لاری‌نین
باهالاشماسی اولسا دا آیری عاملی‌ده انسانلاریمیزین پوفک و چیپس کیمی محصول‌لارین
مصرفینه اوز گتیرمه‌سی اولا بیلر.
تغذیه تحقیقات
انستیتوسونون سابق رئیسی ناصر کلانتری اعتمادینان دانیشیقدا قورخولو بیر آمارا
اشاره ائله‌دی. او دئدی": جامعه‌میزین یوزده 20-سی گونده‌لیق یئماقلارینی تأمین ائله‌ماغا عاجزدیلر. اونلارین بعضیسی حتّی لازم اولان یاوان
چؤرگی‌ده آلا بیلمیرلر.
دقت ائله‌ماق لازمدیر کی کره، قیماق و خاما سوت محصول‌لاری سیراسیندا یئرلشمیرلر بلکه یاغ حساب اولونورلار.
بهداشت وزارتی‌نین رسمی آمارینا گؤره، اؤلکه‌میزده سوتون باشلیق مصرفی 80 لیتردن اوسته قالخمیر. آما بو
آمار دنیادا آدام باشی 190 و غربی اوروپاردا آدام باشی 500 لیتردیر. یعنی متوسط
حالدا اؤلکه‌میزده هر انسان ایلده 80
کیلو سوت ایچیر آما بیر فرانسه‌لی ایلده 500 لیتر.
بو بیر
حالدادیر کی اؤلکه‌میزده ایلده 3 میلیارد تومن
گازلی نوشابه‌لره وئریلیر و بو زمینه‌ده دنیادا بیرینیجلیق اله گتیرمیشوق. دنیادا گؤی و میوه
مصرفی انسانی باشی ایلده 120 کیلو اولان حالدا بیزیم اؤلکه‌ده 30 کیلودان چوخ اولمور.
گؤره‌سن واختی گلمه‌ییب
یئدیغیمیزا بوندان آرتیق دقّت ائله‌یاق؟