ناسا سفينه‌سيندن اله گلن تازا
ايطيلاعاتا گؤره، گونش سامان‌يولو كهكشانيندا تصوّوروموزدن داها ياواش فيرلانير.
بير ايطّيلاعات كي شمسي مجموعه‌سي‌نين تصويرين دگيشه بيلر.
مهر خبرگوزاريسي‌نين گوزاريشينه گؤره،
ناسانين اولدوزلار آراسي آختاريجيسي يئرين دؤره‌سي اولان اؤز مداريندان، شمسي
منظومه‌نين حاشيه‌سينه واريد اولان اولدوزلار آراسي ذره‌لرين سورعتيني گونشدن 14.5
میلیارد کیلومتر اؤلچوب.
اولدوزلار آراسي آختاريجي‌نين تحقيقاتي
تيمي تازا ايطيلاعاتي كامپيوتري مودئلده يئرلشديرندن سونرا بو نتيجه‌يه يئتيشديلر
كي گونش، ساعتده تقريباً 83 مين 700 کیلومتر سورعتي‌اينن دولانير و بو ايطّيلاعات
بونو يئتيرير كي بيزيم تصوّوروموزدن ساعتده 11 مين كيلومتر ياواشراق فيرلانير.
بو كشف بو معنايه‌دير كي شمسي مجموعه‌نين
حيفاظتي مرزلري-كي بيزي آيري كهكشانلاردان آييرير- تعظيم شوكو يوخودور. تعظيم شوكو
بير فضايي جيرمين اطرافينداكي مغناطيسي منطقه‌سي‌نين و بير ميانگين اطرافين
مرزيدير. اولدوزلارين تعظيم شوكو اونلارين اولدوزلار آراسي يئللري و ميانگين
اولدوز ايچي ناحيه‌نين(ISM) مرزيدير.
بو آختاريجي‌نين تازا كشفلري گؤرسه‌دير
كي گونشين حركتي اوّل‌لر تصوّور اولاندان، 25 درصد آزدير و بو سورعت تعظيم شوكونا
بس دئييل.
سن آنتنيو تگزاسين جنوب غربينده اولان
تحقيقاتي مؤسّيسه‌ده ايشله‌ين دیوید مک کوماس دئدي: اينديه‌جن بيزيم بوتون نظريه‌لريميز
و شمسي منظومه مودئل‌لريميزده تعظيم شوكو واريدي. بير حالدا كي 30 ايل بو مسأله‌نين
اوستونده موطاليعه ائليردوق، بيلنده كي بئله بير شئي يوخدور چوخ تعجّوب ائله‌دوق.
او آرتيردي: تعظيم شوكونون اولماماسي
موهوم مسأله‌دير نيه كي بونو ايلقا ائدير كي گوجلي هليوسفر اوّل‌لر تصوّور اولان
زادداندير.
فضايي هليوسفر گونش يئللري‌نين اثري
آلتيندا و يا او ذره‌لردير كي گونشدن توللانير و آيري جور دئساق او ناحيه‌دير كي
شمسي مجموعه‌نين بوتونلوغو، گونش يئللري و گونشين بوتون مغناظيسي ميدانين احاطه ائله‌ييب.
بو منطقه‌دن سونرا اولدوزلار آراسي فضا باشلانير.
هليوسفرين ايشيني كيهاني اشعه‌لرين
قاباغيندا موحافيظ كيمي اولماسيني درك ائله‌ماق، دانيشمندلره كؤمك ائلر كي آيري
دونيالاردا حياتين اولماسيني آراشديرسينلار.
مك كوماسين دئديگينه گؤره، موحقيقلرين
بعضيسي‌نين اعتيقادينا گؤره هليوسفردن ردّ اولان بعضي اشعه‌لر يئرين اتومسفرينه
اثر قويا بيلر. نيه كي يوخاري انرژيلري اولان بو ذره‌لر يونيزه اولا بيلرلر و يا
الكتريكي نظردن اتومسفرين مادّه‌سين دگيشه كي بو، اوزون بولوتلاري دوزلدر.
كارشيناسلارين بعضيسي
بئله اينانير كي بو ذره‌لر بيزيم سياره‌ميزين تاريخينده دال‌به‌دال پاتلامالار
تلقّي اولا بيلر نيه كي بو رادياسيون DNA نمونه‌لرينه
اثر قويور