حتماً ائشيديبسيز كي
قديمدن هر كس بؤيوك و ال‌چاتماز آرزي ائله‌سه‌ايدي دئيه‌رديلر: «يوخسا يوخودا گؤره‌سن!»
آما ايندي بو ايش علم و تكنولوژي سايه‌سينده ايجرا حاليندادير.
بير انگلستانلي روانپزشك كي ماوراءا‌لطبيعه موتخصيصي‌دير، تصميم
توتوب آيفون اوچون بير برنامه دوزلتسين و اينسانين يوخوسونا اثر قويوب اونو
كونترول ائله‌سين. و يا بيري‌نين مئيلي اولسا يوخونون مسيرين دگيشسين. بو اوزدن
ادينبورگ دؤكتورلر انجومني 100 مين نفردن چوخ اينسانين اوستونده گئنيش تحقيق ايجرا
ائدير.
بئله‌كي موبايل برنامه‌سي كي تختين
اوستونه نصب اولوب شخصين شيرين يوخولاريني مثلاً مئشه‌ده گزماق و يا ساحيل
قيراغيندا گزماغي تشخيص وئرير.
دستگاه بو زماندا يوموشاق بير موسيقي
پخش ائلير و سونرا شخصي اويالتماق اوچون يوموشاق زنگ چالينير و شخص يوخودا
گؤردوقلاري‌نين خولاصه‌سين تعريفله‌يير.
موحقيقلرين اومودو وار بو يولونان
اشخاصين يوخولاريندان هر گئجه مينلرجه ناغيل تصويره چكه‌لر و بو دئيتالاري تجزيه
تحليل ائله‌ماغينان يوخولارين نوعونو كونترول ائده‌لر.
او دئدي: بو برنامه پولسوز
اولاجاق و بيزيم اومودوموز وار اشخاصين يوخودا گؤردوقلاريني تصويره چكاق.
پورفسور ريچارد ويزمن دئيير: ياخشي
بير گئجه و شيرين يوخولار باعيث اولار شخصين ثمره‌لي‌ليغي چوخالسين و اوست-اوسته
شيرين يوخو جيسمي و روحي ساغلامليغينا فايداليدير.
او آرتيردي: روحي فيشار و افسورده‌ليغا
موبتلا اولان شخصلر آيريلاريندان داها چوخ يوخو گؤرورلر و اونلارين يوخولاري‌نين
چوخو قارا باسما اولار. بو يولونان شايد بو شخصلرين يوخولارين دگيشماق اولا و اگر
اشخاصين يوخولاري‌نين سمتيني و نوعونو دگيشه بيلسك اونلارين روحي ساغلامليغينا
بؤيوك خيدمت ائله‌ميش اولاجاغيق.