دانيشمندلر تازاليقدا
اينسانين اوشاقليق وقتي ژنلريني اؤلچمكله، اونون طبيعي عؤمرونون نه قدر اولدوغونو
بيليرلر.
موحقيقلرين دئديگينه
گؤره، اينسان عؤمورنون اوزونلوغو DNA سيندا
يازيليب و دوغولان لحظه‌دن آراشديريليب بللي اولا بيلر.
گلاسكو دانيشگاهي‌نين دانيشمندلري بيلديلر كي
«كروموزوم»لاري ييرتيلماقدان قورويان «تلومر»لرين اندازه‌سي اينسانين علميني،
اؤلوم زمانيني بيلمكده آرتسين.
«تلومر»لر هميشه
آراشديريليردي و بوندان قاباق‌دا نظره گليردي كي قوجاليغينان ايرتيباطلي
اولسونلار. ايندي موحقيقلر بيليبلر كي بو «تلومر»لرين بويو نه قدر اوزون اولسا
اينسانين عؤمرو بير او قدر اوزون اولاجاق. البته بو بير حالدادير كي اينسان تصادوف
و ناخوشلوق اثرينده اؤلمه‌يه.
ايسنانين گوزاريشينه گؤره، دانيشمندلر قاباقلار بيلميشديلر
كي ياشاييش طرزي مثلاً سيگار چكمك و ايضطيراب تلومرلرين عؤمرون آزالدار. آما بو
تحقيق، اينسانين عؤمرون دوغولان لحظه‌دن پيش‌بينليق ائله‌ماغا بيرينجي نيشانه‌دير.
ايمكاني وار گله‌جاقدا ائله آزماييشلر اولا كي آدام،
عؤمرونون نه قدر اولدوغونو تعيين ائده بيلسين، البته اگر بو ايشه مئيلي اولسا.
بو تحقيقده استراليالي فنچ‌لردن ايستيفياده اولوب و ايلك
پروژه‌دير كي ياشاييشين مونظم دؤره‌لرينده تلومرلرين اندازه‌سيني آراشديرير.
اينسان اوستونده بو آزماييش فقط قوجالار اوستونده انجام تاپيب.
گلاسكو دانيشمندلري سونراكي مرحله‌ده اؤز تحقيقلرينده
آراشديراجاقلار كي گؤرسونلر هانسي ايرثي يا موحيطي عاميل‌لرين تلومرلرين
قيسالماسيندا چوخراق اثرلري وار.