آمريكالي تيم موفق اولدو
گينه‌نو دا "پاپوآ" منطقه‌سينده تازا قورباغا تاپسين كي دئييلير
لاب بالاجا قورباغادير.
نظره گلير بو يئددي ميلي‌مترليق قورباغا
كي علمي آدي "پائدوفرین آمائونسیس"دير يئر اوزونده لاب بالاجا دوزيست
اولسون.
دانيشمندلر بئله اينانيرلار كي بو جانلي‌نين
كيچيك بدني اونون ياشاديغي يئر يعني يارپاقلار و مئشه‌نين تكي‌اينن ايرتيباطدا
اولسون. بو جانلي‌لار چوخ راحات يارپاقلارين آلتيندا و مئشه‌نين تكينده گيزله‌نيرلر
و بير جور تكامول تاپيبلار كي حشره سسلري اولسون و بئله‌ليغينان اونلاري مئشه‌ده
تاپماق چوخ چتين اولور.
موحقيقلر «گينه» قورباغالارين سسيني ضبط
ائليه‌نده عجيب غريب بير سس ائشيتديلر و اونون نه سسي اولدوغونو بيلمگه چاليشديلار.
بونا گؤره سس گلن نوقطه‌ني موحاصيره‌يه آليب يارپاقلارين آلتيني آختارديلار.
آختاريش زماني هاوا قارانليق‌ايدي و بو
جانلي چوخ كيچيك اولدوغو اوچون موحقيقلر مئشه‌نين تكينده‌كي يارپاقلاري ييغيب كيسه‌يه
دولدوردولار و چوخ تعجوبلي بير صحنه‌اينن اوزلشديلر. كيچيك قورباغالاري گؤردولر كي
كيسه‌نين ايچينده يارپاقلارين آراسيندا ائشيگه آتيليرديلار.
بي‌بي‌سي‌نين گوزاريشينه گؤره، بو قورباغاني تاپماقدان
قاباق، دونيانين لاب كيچيك قورباغاسي برزيلين قيزيل قورباغاسي‌ايدي كي بويو بير
سانتي‌متردن آزدير.