سلامت نيوز، بير اوشاق موتخصيصي،
اوشاقلارين تبلريني داواسيز درمان ائله‌ماق يوللارينا ايشاره ائديب دئدي: آلما
سويو كيمي فايدالي ايچمه‌ليلر و ايليق سويونان بدني يوماق اوشاقلارين تبلريني
درمان ائله‌ماغا فايداليدير.
محمد یاریگرروش فارسينان دانيشيقدا، تبي
اوشاقلار ناخوشلوغونون راييج علامتلريندن بيليب دئدي: آتا-آنا اوشاغين تبيني
گؤرنده چوخ نيگران اولورلار؛ مخصوصاً اگر اوشاغين تب و تشنّوج سابيقه‌سي اولا،
اونلار چاليشيرلار دؤكتوره چاتينجا بير جورلوغونان تبي آزالتسينلار.
بو اوشاقلار موتخصّيصي تبين ياخجي ديفاعي
وسيله اولماق نقشينه، مخصوصاً عفونتلرين كونترولوندا، ايشاره ائديب تصريح ائله‌دي:
هذيان و تيتره‌ماغينان بيرليقدا اولان تب، دؤكتورو مجبور ائلر تئز و موناسيب
درمانلارا ايقدام ائله‌يه.
او بونا ايشاره ائله‌ماغينان كي بدنين ايستيليغين
آزالتماقدا، استامنيفون و پروفن كيمي داوالاردان چوخ ايستيفاده اولور، دئدي:
داواسيز ايقدامينان‌دا تبي آزالتماق اولار كي بو يوللار فايدالي اولار: اوشاق
اولان موحيطين دماسيني آزالدين، اوشاغي سرين و هاواسي موناسيب اولان اوتاقدا
ساخلايين، اوشاق اوچون موناسيب و راحات پالتاردان ايستيفاده ائدين.
تهران پزشكي علملر دانيشگاهي‌نين علمي
هيأت عضوي، ايليق و الكولسوز سويونان يويوندورماق و اوشاغين كيفايت قدر
دينجلماغينا ايمكان ياراتماغي تبي اولان اوشاغين ايظطيراب و قرارسيزليغي‌نين
آزالماسيندا اثرلي بيليب و دئدي: نور دوعاسيني اوخوماق كيمي ايماملارين (ع)
سيفاريشلرينه متوّسيل اولماق و آلما سويو كيمي فايدالي ايچمه‌ليلردن ايستيفاده
ائله‌ماق‌دا تبين درمانيندا فايداليدير.