منجملر گونش منظومه‌سیندن اوزاق، اتمسفری چوخ ایستی اولان بیر سیاره تاپیبلار. بو سیاره‌نین اتمسفری‌نین ایستیلیغی دمیری قایناتا بیله‌جاق قدر ایستیدیر. منجملر بو سیاره‌نین آدینی WASP121b قویوبلار.
سیناپرسین وئردیغی خبره گؤره، بین المللی محقق و منجملردن تشکیل تاپان بیر تیم، WASP121b آدلی سیاره‌نین استراتوسفرینده پارلاق سو مولکول‌لاریینی تاپماغا موفق اولوبلار. بو سیاره یئردن 900 ایشیق ایلی اوزاقلیقدادیر.
سیاره‌لرین جوّینده‌کی سو بوخاری‌نین رفتارینی حسابلاماق اولار و اونلارین سطحی‌نین حرارتینه باغلیدیر.یوخاری حرارتده‌کی بوخار پاریلداقلیغا سبب اولار. بریتانیانین اکستر دانشگاهی‌نین محققلریندن تام ایوانس بو باره‌ده دئییر: بیز تلسکوپلاری WASP121b سیاره‌سینه طرف تنظیم ائله‌دیغیمیز زمان، پاریلداق سو مولکول‌لاری اینن اوزلشدوق کی بو سیاره‌نین چوخ گوجلو استراتوسفره مالک اولدوغونو بیان ائلیردی. بو پارلاق سطح، گؤزونن گؤونمه‌ین مادون قرمز موجلار شکلینده تشکیل تاپیر.
WASP121b سیاره‌سی مشتری سیاره‌سی‌نین ایکی برابریدیر و منجملر آراسیندا یانار مشتری آدینا مشهوردور. بو سیاره اؤز مرکزی اولدوزونا چوخ یاخیندیر و اونو بیر ایلی یئر اوزونده 1.3 گونه برابردیر.
بو سیاره‌نین اولودوزونا یاخین اولدوغونا گؤره اونون یوخاری اتمسفری‌نین حرارتی 2500 درجه سانتیگراد اولور کی گونش سطحی‌نین حرارتی‌نین یارسیجان اولور. بو سیاره‌ده سویون اولماسینا رغما یوخاری حرارته گؤره حیات شکل تاپماییر.