نیوتون قانونو خلافینا، منفی جرمی اولان ماده دوزلدی !
عالملر منفی جرمه صاحب اولان مایع دوزلدیبلر کی نظره گلیر نیوتونون حرکت قانونونون خلافینا رفتار ائده‌جک.
واشنگتون دانشگاهی‌نین عالملری تازا مایع دوزلدیبلر. بو مایع اونا وارد اولان نیرونون خلاف جهتینه حرکت ائلیر.
بو دانشگاهین اوستادیارلاریندان اولان مایکل فوربس دئییر: بو حیرت آمیز پدیده آزمایشگاه محیطینده یارانیب و اونون کؤمگی ایله بعضی مفهوملاری چالیشا چکمک اولار.
عادی وضعیتده نیوتون قانونلاری اساسیندا بیر ماده‌یه فشار گلدیغیندا، او ماده همان فشار سمتینه حرکت ائلر آما منفی جرمی اولان ماده‌یه فشار گلدیغیندا ترسه یؤنه حرکت ائلیر.
بو محققلر روبیدیمین اتوملارینی سویوقلاتماغینان منفی جرمین یارانماسینا شرایط یارادیبلار. بو ایش اوچون ماده‌نین اتوملاری او قدر سویومالیدیر کی بیر جور کاندنسیت Bose-Einstein یارانا. بو وضعیتده ذره‌لر چوخ یاواش حرکت ائلیر. هابئله کوانتوم فیزیکی قایدالارینا گؤره دالغالی رفتار ائده‌جکلر. اونلار بیرلیقدا حرکت ائدیب بیر جور سوپر ماده دوزلدیب انرژی ایتیرمه‌دن جریان تاپیرلار.
فیزیک اوستادی پیتر انگلز لیزر واسطه‌سی اینن بو ذره‌لری سویوتدولار. بئله‌لیغینان داغ و یوخاری انرژیلی ماده‌لر بوخار کیمی اوندان قاچیب ماده داها دا سرینلشدی.
هابئله لیزر اتوملاری، خاص وضعیتده میکرونون یوزده بیر قطری اولان قابدا کنترل ائله‌دی. بو حالتده بیر جور روبیدیم سوپر وایع یاراندی کی معمولی جرمه صاحبدیر آما قابین سینماسی اینن روبیدیم مایع‌سی داغیلیر.
سونراکی مرحله‌ده محققلر منفی جرمی یاراتماق اوچون اتوملاری دالی و قاباغا سورن و اونلارین حرکت وضعیتینی دَییشدیرن آیری لیزرلردن استفاده ائله‌دیلر. بو زمان یوخاری سرعتله آخان روبیدیم، ائله نظره گلیر کی منفی جرمی وار. بونا گؤره اونا فشار گلنده عکس طرفه حرکت ائلیر.