جام جم آنلاين: «ام.آي.تي» دانيشمندلري تازا هوشلو پنجره
تكنولوژيسي عرضه ائديبلر كي ياي گونلرينده قره‌لير و سرينله‌ديجي
دستگاهلارين انرژي مصرفينده صرفه‌جويلوق ائدير.
مهرين گوزاريشينه گؤره، بو تازا هوشلو پنجره تكنولوژيسي كي
ماساچوست تكنولوژي موسّيسه‌سي‌نين «هو وسن ليم» تحقيقاتي تيمي توسيعه وئريب، گون
ايشيغي‌نين ايچري گلن، ياي گونلرينده كي سرينله‌ديجي و تهويه دستگاهلاريندان
ايستيفاده ائله‌مك نيازي چوخالير، اؤز اؤزونه قره‌لير و ايشيغي ايچري قويمور و
سويوق فصل‌لرده تازادان اوّلكي كيمي شفاف اولور.
اينديه‌جن هوشلو پنجره‌لر تكنولوژي‌سين توليد ائله‌مكده سمّ‌لي
مادّه‌لردن ايستيفاده اولوردو.
بو بير حالدادير كي بو موحقيقلر «ساييجي يون» آديندا بير
پوليمردن و متانول آديندا بير حلال ماده‌دن ايستيفاده ائديبلر كي هم بو هوشلو
پنجره‌لرين دوزلتمه هزينه‌سين آزالديب و هم اونلاري قالارگي و ايمن ائله‌ييب.
موحقيقلرين دئديگينه گؤره، بو هوشلو پنجره‌ني ايشيغين
شيدّتي‌اينن تنظيم ائله‌مك اولار و نئچه ثانيه عرضينده سورعتينن 100 درجه
ماتليقدان كاميل شفّافليغا چاتا بيلر.
«نانو»نون گوزاريشينه گؤره، دانيشمندلر بو باره‌ده دئديلر:«بيزيم
علميميزه گؤره بوجور شديد نوري رفتار دگيشمك، هوشلو پنجره‌دن سابيقه‌سيزيدي.
ايشيغين بوجور كونترول سيستئمي، ائليه بيلر ايستي ، سرين و ايشيغين ذخيره‌سينده
تازا سئچيملر ايرايه وئرسين.»