العالمین وئردیغی خبره گؤره، زیتون یاغیندا اولان هیدروکسی استرول، حیوانی یاغین منفی تأثیراتینی آزالدار. بو ماده‌نین ضد اوکسیده اولماق خاصیتی وار که بئیین و اورگین ساغلیغی اوچون فایدالیدیر.
محقق‌لر بو معلوماتی سیچانلار اوستونده آزمایشدن سونرا اله گتیریبلر. بو آزمایشده سیچانلار 4 یئره بؤلوندولر و فقط بیر دسته‌سینه چوخ مقداردا حیوانی یاغدان علاوه زیتون یاغی وئردیلر. 12 هفته‌دن سونرا بو سیچانلارین هامیسیندان نمونه آلیندی. نتیجه‌ده بللی اولدو کی زیتون یاغی یئیه‌ن سیچانلاردا کلسترول آرتیمی یوخدور آما او بیریلرده کلسترول چوخالیب.
محقق‌لرین نظرینه گؤره بو آزمایشین نتیجه‌سینی انسانلاردا دا همان اولار اونا گؤره توصیه ائلیرلر هیدروکسی استرول‌لی ماده‌لرین مصرفی چوخالسین.