ماشین دوزلتمه شرکتلرین بیری قوملو منطقه‌لره مناسب اولان عجیب غریب تکرلر طراحلیق ائله‌ییب.
علمی مجله گیزمگین وئردیغی خبره گؤره، نیسان شرکتی 2015-جی ایلینده قار و بوز اوستونده مطمئن راننده‌لیق اوچون مخصوص ماشین ارائه وئردیلر. آما بوزلار ارییَندیلر و ایندی قوم اوستونده مطمئن راننده‌لیغا بیر فکر ائله‌ماق لازمدیر.
یئنه ده نیسانین طراحلاری Rogue Trail Warrior آدیندا ماشینی ارائه وئریبلر. بو ماشین نیویورک ماشین نمایشگاهیندا نمایشه قویولاجاق.
بو تازا محصول‌دا بیلدیغیمیز تکرلردن خبر یوخدور بلکه بو ماشین تازا تکنولوژی اینن دوزلمیش نقاله نوارلارین توسطی اینن حرکت ائدیر.
نیسانین تازا محصولو 2.5 لیترلیق 4 سیلندرلی نسبتاً گوجلو موتورا مجهزدیر. بو موتور 170 بوخار آتی گوجو اینن قوم تچه‌لرینی چوخ راحت آشیب گئده بیلر.
بو ماشینین نمایش نمونه‌سی‌نین ظاهری نظامی ایدی و اطراف رنگلرینن مناسب همخوان رنگلنمیشدی. آما بو ماشینین رسمی ارائه‌سین نیویورک نمایشگاهیندا گؤزله‌ماق لازمدیر.