بوندان اوّل میوه سویونون اوشاقلارا کؤکلماغا سبب اولدوغو دوشونولوردو. آ»ا تازا تحقیقلر اونون متعادل مصرفی‌نین ضررسیز اولدوغونو بللندیریب.
واشینگتونون سیاتل دانشگاهی‌نین محققلری، میوه سویو مصرفی و اونون چکی‌یه تأثیری باره‌ده، 34 میندن آرتیق اوشاغین اوستونده آزمایش اولموش 8 مطالعه‌نین نتیجه‌لرینی منتشر ائله‌دیلر.
تحقیق تیمی‌نین رئیسی دکتر براندون آئورباخ، بو باره‌ده دئییر: بیزیم ایندیکی اله گتیردیغیمیز نتیجه‌لره گؤره، گونده بیر وعده یوزده یوز طبیعی میوه سویونون مصرفی اوشاقلاردا چکی آرتیمینا سبب اولاجاغی اورتایا چیخمادی.
تحقیقلره گؤره 6 یاشدان آشاغی اوشاقلار گونده بیر وعده میوه سویو ایچماغینان بیر آز آرتیق چکی تاپیرلار کی بالینی جهتدن گؤزه گلیم دئییل.
محققلرین دئدیغینا گؤره 7 دن 18-ـه قدر اوشاقلارین گونده بیر وعده میوه سویو ایچماقلاری اونلارین چکیسینده تأثیرسیز اولدوغو بیلینیب.
هابئله محققلرین دئدیغینا گؤره پرتغال سویونون گلوکوزی آزدیر و آرتیق چکی‌یه تأثیری آز اولور.
محققلر تأکید ائله‌دیلر کی بو تحقیقلر یوزده یوز طبیعی میوه‌لر باره‌سینده‌دیر و میوه اسانسلی ایچمه‌لیلر باره‌ده دئییل.
محققلری گونده120 دن 180 میلی‌یه قدر گونده‌لیق میوه سویو ایچماغی 6 یاش و داها کیچیک اوشاقلارا مناسب گؤرورلر. 7 دن 18 قدر ده گونده 240 دان 350 میلی‌لیتره قدر مناسبدیر.