آمریکانین کرنل دانشگاهی‌نین محققلری دنیا دیللری‌نین اوچده ایکیسینده تحقیق
ائله‌ماغینان بوتون انسانلارین فقط بیر دیلده دانیشدیقلارینی احتمال وئریبلر.
تایمزین وئردیغی خبره گؤره، اونلار 6 مین فرقلی دیللری توتوشدورماغینان
گؤروبلر مختلف دیللرده مشابه معناداکی کلمه‌لرین سسلری عینی‌دیر. بو بیر حالدادیر
کی دیللرین بیر بیرلرینه ربطلری یوخیدی.
قدیمی دیل نظریه‌لری‌نین عکسینه اولان بو کشف، آمریکانین ملی آکادمی مجموعه
مقاله‌لر مجله‌سینده (PNAS) چاپ
اولونوب کی عالملرین ایشلرینی دیللرین ریشه‌سینی تاپماقدا چتینه سالا بیلر.
قاباقکی نظریه‌یه گؤره دیللر تک به تک و بیر بیرلریندن آیری گلیشیبلر.
آما تازا
تحقیقده بدن اعضاسی و عایله رابطه‌لری کیمی ساده مفهوملاردا رایج اولان سسلر وار.
ائله بیل انسانی تجربه‌لره مهم اولان بو مفهوملار، بیر جور بین المللی دیل
یارادیب.
محققلرین
دئدیغینا اساساً اوخشار سسلره صاحب اولان دیللرین مشترک قایناغی وار مثلاً
اسپانیای دیلینده اولان "hospital" کلمه‌سی و فرانسه دیلینده اولان "hopital"
کلمه‌سی هر ایکیسی‌ده لاتین دیلیندن بورج آلینیبلار.
اونلار
فرقلی دیللرین آراسیندا سس و معنا رابطه‌سی‌نین وارلیغینی آنلاییبلار. مثلاً
«بورون» عضوونه وئریلن آددا مختلف دیللرده «ن» حرفی واردیر. اولا بیلسین کی
بورونون بو حرفین یارانماسیندا نقشی اولدوغو اوچون.