سراب نماینده‌سی یوسف داوری‌نین مردمی ارتباطلار دفتری‌نین وئردیغی خبره گؤره، یوسف داوری دئدی: دئییلنلره گؤره متأسفانه تراریخته محصول‌لار غذا و دارو سازمانی‌نین تأییدی اینن اؤلکه‌یه وارد اولوب و بو بیر حالدادیر کی اؤلکه‌میزده تراریخته محصولو تشخیص وئرن آزمایشگاه یوخوموزدور.

سرابین مجلسده‌کی نماینده‌سی آرتیردی: بیزیم نگرانچیلیغیمیز تراریخته محصول‌لارین ممکلته وارد اولماسیدیر کی بو چوخ خطرلیدیر. اؤلکه‌میزده سرطان آماری او بیری اؤلکه‌لره گؤره چوخ یوخاریدیر  و آشاغی یاشلاردا سرطان سونامیسی اینن اوز به اوز اولموشوق.

او آرتیردی: بوتون خانواده‌لر سرطانینان اله به یاخادیلار و متأسفانه ضد سرطان داوالارین مصرفی اؤلکه‌ده گؤزه گلیم شکلده آرتیب. البته سرطانین آیری علتلری وار آما نیتراتی یوخاری اولان کودلاردان استفاده سرطانا مبتلا اولماقدا یوخاری تأثیری وار.

او آرتیردی: اؤلکه‌میز دنیا سطیحنده سرطان آرتیمیندا بیرینجی یئرده دایانیب. آیری اؤلکه‌لرده سرطان آرتیمی بیزه گؤره چوخ یاواشدیر. بونا گؤره جماعتدن ساغلیقلارینا اهمیت وئرماقلارینی و مسئول‌لاردان نماینده‌لرین سؤال‌لارینا جواب ده اولمالارینی ایستیروق.