والری اسپریدونوف اؤلومجو ناخوشلوغا مبتلا اولوب و اؤز باشینی بیر آیری بدنه
پیوند وورماغا داوطلب اولوب.
دکتر «سرجیو کاناوارو» بئله ادعا ائلیر کی «والری اسپریدونوف»ون باشینی کسیب
آیری بدنه یاپیشدیرا بیلر. والری عجیب ناخوشلوغا مبتلا اولوب. اونون عضله‌لری اوشاقلیقدان داها بؤیومورلر و ایندی اونون اسکلتینی
ساخلاماغا گوجلری یوخدور.
والری 30 ایلدیر بو وضعیتده یاشاییر و ایندی بو طرز یاشاییشدن قورتولماق اوچون
بو خطرلی جراحلیغین ریسکینی قبول ائلیر.
دکتر کاناوارو بو باره‌ده دئییر: «بو گونون علمی بو عملاوچون حاضردیر. بو جراحلیقدا ایکی طرفین‌ده باشی کسیلیب و 36 ساعتلیق بیر جراحلیقدا سالم باش اؤلو
بدنین اوستوه یاپیشدیریلاجاق. شاید «پلی اتیلن گلیکول» آدلی پسب اینن نخاع ایپلرین
اوجلارینی بیر بیرینه یاپیشدیرماق اولدو. بو جراحلیق اولسا ناخوش یارالارین
توختاماسی اوچون 4 هفته کومادا قالمالیدیر. اوندن سونرا بدنینی و اوزونو ترپده
بیلر و حتی اؤز سسی اینن دانیشا بیلر».
بو عملین خرجی 10 میلیون دولاردان آرتیق تخمین وورولوب. آما دکترلرین چوخو بو
مسأله‌نی
فانتزی بیر خیال بیلیرلر و ائله بونا گؤره ده دکتر کاناوارو اؤزونه جراحلیغین طبیب
تیمی تاپا بیلمیر.
بعضیلرینه گؤره بو غیر اخلاقی بیر ایشدیر آما بیر عده‌یه گؤره ده بو ایش اورک پیوندی کیمی معمولی پیوند
ساییلمالیدی.
بیلماغی یاخجی اولار کی بوندان 40 ایل قاباق دکتر «رابرت وایت» بو جراحلیغی
میمونلار اوستونده ائله‌دی آما میمون 8 گوندن سونرا اؤلدو. دکتر وایت‌دا غیر اخلاقی ساییلان بو ایش اوچون محاکمه اولوندو.