راديويي ايرتيباطلار و موقرراتي‌نين تنظيم سازماني‌نين موعاويني ايران وايمكسي‌نين عئيبلرين و كمبودلارين اعلام ائله‌ماغينان دئدي: وايمكس موشتركلري اؤز مورد و موشكوللرين
رگولاتوري سازمانينا خبر وئره بيلرلر.
حسن رضواني مهر خبرنيگاري‌نن دانيشيقدا تئلسيز سرعتلي اينترنت ارائه‌سي‌نين ايندي كي وضعيتينه گؤره دئدي: وايمكس خدماتيني ارائه وئرنلر اؤز ايشلري‌نين اوّلينده موختليف موشكوللري‌نن او جومله‌دن موشتركلرين بو سرويسلردن آگاهسيزليغي، BTS آنتنلري‌نين نصبينه لازيم اولان فضالارين آزليغي و ظرفيت
چوخالتماسي‌نن اوز به اوز ديلر
كه بو موشكوللر بير حدّه‌جن طبيعي‌ديلر.
او دئدي: وايمكس سرويسي‌نين ايرائه وئرنلرين نواقيص و كمبودلارينا باخماياراق بو
سرويسلردن گلن شيكايتلرين ساييسي چوخ آزدير.
رضواني تأكيد ائله‌دي: راديويي ايرتيباطلار و موقرراتي‌نين تنظيم سازماني موردلري و بو سرويسلرده اولان
موشكوللري بررسليق ائله‌ماغينان، ريقابت، شفافليق و رگولاتوري اوصوللاريني رعايت ائله‌ماغينان اؤز هدفلري راستاسيندا نظارتي وظيفه‌لريني انجام وئرماقدادير.
راديويي ايرتيباطلار و موقرراتي‌نين تنظيم سازماني‌نين، نظارت و موقررات اِعمالي‌نين موعاويني آرتيردي: وايمكس اوپراتورلارين سايتلارين
امكانات و تجهيزاتيندان دوره‌اي بازديدلر و هابئله شبكه كيفيّتي‌نين بررسليق و اؤلچمه‌سينه گؤره موختليف دوره‌اي مئيداني تستلرين ائله‌مه‌سي بو سازمانين
فعاليتلريندندير.
او دئدي: رگولاتوري، عئيبلر و
كمبودلارين آرادان آپارماسينا خاطير وايمكس پروانه‌سي اولانلارينان سايلي جلسه‌لر قورور كي وايمكس موشتركلري اؤز موريدلر و احتيمالي
موشكوللرين بو جلسه‌لرده مطرحه اولماق
اوچون بو سازمانين سايتيندا اعلام ائليه بيلرلر.