لندنین امپریال کالج و انگلیسین گلاسکو دانشگاهی‌نین محققلری اشتهانی یوزده اون دؤرد آزالدان بیر مادّه دوزلدیبلر. IPE آدلانان بو مادّه، انسانبدنینده پروپیونات یونونو تحریک ائلیر. بو یونون وظیفه‌سی روده‌کی فیبری سیندیریب دویما حسّینی یاراتماقدیر.

اولیه آزمایشلرده، غذالاریندا بو مادّه‌نی اضافه‌لندیرنلر آریقلاییبلار.

دادی چوخ پیس اولان بو مادّه‌نی یئماق اوچون حتماً چؤرک یا میوه اینن قاتماق لازمدیر.

بو مادّه‌نین اساس مشکلی اونون بؤیوک باغیرساغا چاتماسی ایدی چونکی اورا چاتمامیش کیچیک باغیرساقدا جذب اولوردو.

اشتهانی کنترل ائله‌ین هورمونلار بؤیوک روده‌ده اولورلار و بو مادّه جذبدن اوّل بؤیوک روده‌یه داخل اولمالیدیر.

محققلری بو مشکلون حلّینه گیاهلاردا اولان اینولین آدیندا طبیعی بیر کربوهیدراتدان استفاده ائله‌دیلر. IPE اینولین اینن ترکیب اولور و جذب اولمادان بؤیوک باغیرساغا داخل اولور.

بو محصول استفاده ائله‌ماق همان انسانین اشتهاسی یوزده اون دؤرد آزالیر.

بو محصولدا هئچ جانبی عارضه گؤروشمه‌ییب آما داوخانالاردا ساتیلماسی اوچون داها آرتیق آزمایشلره احتیاج وار.

بو تحقیقین نتیجه‌لری Gut مجله‌سینده منتشر اولوب.