احمد كوشا بويون تبريزده فارس
خبرنيگاري‌نن دانيشيقدا بو خبري
اعلام ائله‌مگينن دئدي: شرقي
آذربايجاندا اؤلوم ايتيملرين 41.34 درصدي قلبي و عروقي نوخوشلوغوندان، 14.4 درصدي
سرطان اثرينده و 10 الي 11 درصد ده غير عمدي حاديثه‌لره گؤره اوز وئرير.
او هابئله اعتياد و افسورده ليغي
جاميعه‌نين موهوم
موشكوللريندن بيليب دئدي: مركزين تحقيقاتيندان اله گلن معلوماتا گؤره ، اعتياد و
افسورده ليغين عيلت و ريشه‌سي فرهنگي مسأله‌لره قئييدير و اكثراً رفتاري ريشه‌سي وار كي اوستانين بهداشت مركزي نين‌ده بو باره‌ده وظيفه سي وار اساسي فرهنگسازليغينان او موشكوللرين يارانماسي‌نين قاباغين آلا.
كوشا رواني بهداشت هفته‌سي‌نين گلمه‌سينه ياخين دئدي: بو
ايل افسورده‌ليق نوخوشلوغي
اوستانين اولويّتلريدن نظرده آلينيب و بو باره‌ده كارشيناسي و تخصّوصي ايقداملار اولوب كي ايمكاني
اولان قدر بو نوخوشلوغو مهار ائله‌ييب افسورده‌ليق توتانلار درمان
اولسونلار.
او تأكيد ائله‌دي: بو ايشلرين ايجرايي اولماسي بوتون اورگانلارين
همكارليق و تعاموللرين ايستير تا ائليه بيلاق جماعاتين عومومي ريفاهي و روحي
شادليقلارين، ايمكاني اولان قدر آرتيراق.
كوشا بونا ايشاره ائله‌ماغينان كي جهاني بررسليقلارين اساسيندا جاميعه‌نين ساغلامليغي‌نين تكجه 20 ايلا 25 درصدي بهداشتي سيستملرين عؤهده‌سينه‌دير و بقيه‌سي جماعاتين و آيري
اورگانلارين موشاركتي‌نن تأمين اولار، دئدي: سلامت امرينده دخيل اولان سازمانلارين
همكارليق و فيكير بيرليگي‌نن، ساغلامليق فرهنگي‌ني ياراتماغا بوتون اورگانلارين گوجلريندن، آگاهسيزليقدان عمله گلن
موشكوللري آزالتماغا استفاده اولاجاق.
او آرتيردي: تبريزين پزشكي علملر
دانيشگاهي‌نن بيرليقدا آيري
اورگانلارين انگيزه‌لي
نيرولاريندان ايستيفاده ائله‌ماق و تازا سلامت مدلارين يارالتماغينان ائليه بيله‌جيوق سلامت يارالدان رفتارلاري آرتيراق و نتيجه‌ده اوستانين و اؤلكه‌نين سلامت شاخصلري‌نين ايرتيقاسيندا سهيم اولاق.
كوشا ادامه‌ده دئدي: ايندي مين يوز آلتميش اوچ بهداشت ائوي و ايكي
يوز يئتميش آلتي درماني و بهداشتي مركز اوستان سطحينده جماعاتا خيدمت
وئرماقداديلار و شكسيز بو سايدا مركزين آرتيق موتخصّيص نيرويا احتياجي وار و بو
ايش تكجه بهداشت سيستمينه مربوط اولان حيمايتي اورگانلارين كؤمكليغي و همكارليغي‌نن مومكوندي.
تبريزين پزشكي علملر دانيشگاهي‌نين موعاويني بونو دئماغينان كي اعتياد دا جامعه‌نين سلامتليغين خطره سالان موهوم عاميللردندير دئدي:
موخدّير موادينا مؤعتاد اولماق‌دا بو راستادا اوچونجو روتبه‌ني اؤزنه ايختيصاص وئريب و افرادين ناتوانليغينا باعيث اولور و ايدز
توتانلارين يوزده آلتميش دوققوزو مؤعتادلاردي.
او دئدي: شرقي آذربايجانين
اعتيادي آيري اوستانلارا گؤره ياخشي وضعيتده‌دير آما مؤعتادلارين چوخالماسي و اعتياد ياشي‌نين آزالماسي محسوسدير.