یاشلانماق انسانین جسمینی و سلامتلیغینی هدف توتماغینان عینی زماندا یاددان چیخارتماق و حافظه‌نین ضعیفله‌مه‌سینه ده سبب اولور. آما انگلیس محقق‌لری بو عارضه‌نین قاباغینی آلماغا یول تاپیبلار.

اونلار بئینین جوان ساخلاماسی اوچون بو توصیه‌لری ائلیرلر:

آنتی اکسیدان مصرفین چوخالدین:

بدنین هر عضووندن آرتیق اکسیژن یاندیران بئییندیر. اکسیژنین یانماسی آزاد رادیکال‌لاری تولید ائلر و اونلار بئیین اوچون ضررلی مادّه ساییلیرلار. آزاد رادیکال‌لار بئینین سلول‌لارینا صدمه وورارلار و انرژی تولیدینی گؤزه گلیم مقداردا آزالدارلار و نتیجه‌ده حافظه ضعیفلر. بو پروسه‌نین قاباغینی آلماق و آزاد رادیکال‌لاری خنثی ائتمک اوچون آنتی اکسیدانلی مادّه یئماق لازمدیر. ویتامین C و E لاپ مهم آنتی اکسیدانلاردان ساییلیرلار.

پیادا یئریماق و  ورزش:

قانین بئیینده داها یاخجی آخماسی اوچون همیشه ورزش ائله‌یین. پیادا یئریماق بئنین لاپ یاخجی ورزشی ساییلیر.ل

 

 

موسیقی چالین:

موسیقی اینن مونس اولماق عاغلی زایل اولماسی‌نین قاباغینی آلیب حافظه‌نین آزالماسینا مانع اولار.

فکری اویونلارینان مشغول اولون:

جور به جور پازل و شطرنج کیمی فکری اویونلار ذهنین فعال قالماسینا کؤمک ائلر و بئینین تجزیه تحلیل سرعتینی چوخالدار.

کتاب اوخویون:

بئیین سلّول‌لارینی جوان ساخلاماق اوچون کتابلار یاخجی وسیله ساییلیر. بونا گؤره محقق‌لری منظم شکلده کتاب اوخوماغی توصیه ائلیرلر.