موزدا چوخلو فیبر و مختلف قندلر اولدوغونا گؤره یوخاری انرژی منبعی ساییلیر. آما اوندان علاوه بئش ناخوشلوغون درمانیندا حبدن و داوادان داها یاخجی فایدا وئریر:

1ـ قان فشاری‌نین چوخلوغو

فشارین نورمال اولماسی اوچون قانداکی پوتاسیومون مقدارینی متعادل ساخلاماغین چوخ اهمیّتی وار و موز دا لاپ یاخجی پوتاسیوم منبعلریندن بیردیر. هر گون سحرلر بیر موزون یئمه‌سی قان فشاری‌نین همیشه‌لیق لاپ یاخجی وضعیتده قالماسی اوچون فایدالیدیر.

2ـ افسرده‌لیق

موزداکی تریپتوفان، سروتین و شادلیق هورمونلارین ترشّحینی آرتیران پروتئین شکلینده‌دیلر. گونده بیر عدد موزون یئمه‌سی بو هورمونلارین تحریکی اوچون کفایت ائلر. بو هورمونون نئچه دقیقه ایچینده چوخالماسی سیزه شادلیق و دینجلیق احساسی وئرر.

3ـ استرس

بدنین متابولوسیمی استرس نتیجه‌سینده آرتار و بو دا بدنین پوتاسیوم مقدارینی آزالدار. موزون مصرفی پوتاسیوملی اولدوغو اوچون بو تعادلی ساخلار و اورگین ایشینی طبیعی حالا قایتارار. هابئله بدنده‌کی سو و مایعاتین تعادلی‌نین ساخلاماسینا کؤمک ائلر.

4ـ خشکیت

موزدا بیر جور فیبر اولان پکتین وار کی هضمه سرعت وئرر و سمّلرین بدندن خارج اولماسینا کؤمک ائلر. هابئله موزدا پروبیوتیک خاصیتی وار کی هضمی تقویت ائلر و باغیرساقلارداکی خشکیت تأثیرینده یارانان فشاری آزالدار.

5ـ عادتدن قاباق علامتلری

موز قانین گلوکوزونا مثبت تأثیر قویان 6B ویتامینیندن غنیدیر. تحقیقلره گؤره ده B ویتامینی عادتدن قاباق علامتلری آزالتماقدا فایدالیدیر. موز بئل و قارین آغریسینی آزالدار.