دخانیات مصرفی، ماوراءبنفش اشعه‌سی معرضینده اولماق و یاشلانماق سرطانا مبتلا اولماق احتمالینی چوخالدیر.
سلّول‌لارین غیر طبیعی و حددن آرتیق بؤیومه‌سینه تومور دئییلیر کی بدخیم‌ده اولا بیلر خوش خیم‌ده. هابئله بیر سئری سلول‌لارین کنترلدان خارج بؤیومه‌سینه ده سرطان دئییلیر.
سرطان لنفاتیک سیستمی اینن‌ده منتقل اولار. لنفاتیک نورمال اولاراق بدنین عفونتینی آرادان آپارماق اوچون بدنده فعالیّت ائلیر. بو سیستم بدنین باشا باشیندا بیر- بیرینه باغلی دامار و وزلردن تشکی تاپیر.
سرطانا ایندیه قدر دقیق علّت تاپیلماییب آما مطالعه‌لر بو ناخوشلوغا جنس، یاش و ژنتیک کیمی سایسیز فاکتورلارین اولدغونو گؤرسدیر.
سرطان بافتلاری دوزلدن سلول‌لاردان یارانار. بافتلار بدن اندامینی یارادیر. نورمال حالدا سلول‌لار بدنین احتیاجی قدر تازا سلول‌لار دوزلتماق اوچون پارچالانیب بؤیویرلر آما بو گئدیش بعضاً مختل اولار. یعنی تازا سلول‌لار بدنین احتیاجی اولمادان تولید اولارلار و عین حالدا اوّلکی سول‌لارین آرادان گئتمه‌مه‌سی بدنین او قسمتینده تومورون یارانماسینا سبب اولار. بو یارانان تومور بدخیم و یا خوش خیم اولا بیلر.
خوش خیم تومورلار
خوش خیم تومورلار سرطان آدلانمیرلار و چوخ آز جانی خطرلری اولا بیلر. اونلاری جراحلیغینان گؤتورمک اولار و تازادان بؤیومزلر. بئله‌نچی تومورلار بدنین او بیری طرفلرینه یاییلماز و قونشو بافتلارا دا حمله ائله‌مز.
بدخیم تومورلار و یا سرطان
بدخیم تومورلار خطرلیدیلر و معمولاً جان آلارلر. اکثراً اونلاری چیخارتماق اولار آما تازادان بؤیویرلر.
بو تومورلارین سلول‌لاری مجاور بافتلارا و انداملارا حمله ائله‌ییب صدمه وورارلار. بدخیم سلول‌لار بیر قسمتدن بدنین آیری قسمتلرینه داغیلا بیلرلر. سرطانلی سلول‌لار اصلی توموردان آیریلیب قان جریانینا و یا لنفاوی سیستمینه داخل اولارلار. بئله‌لیغینان بو سلول‌لار آیری انداما حمله ائله‌ییب اوردا سرطان تومورلاری یارادارلار کی اونا سرطان یاییلماسی و یا متاستاز دئییلیر.
سرطانلارین آدلاری چوخراق اونلارین تشکیل تاپدیغی انداملار اساسیندا اونلارا وئریلیب. مثال اوچون جیگر سرطانی جیگرده یارانار. لنفوم سرطانی لنفاوی سیستمی و قاندا یارانان سرطانا و قانین آغ گلوبول‌لاریندا یارانان سرطانا دا لوسمی دئییلیر.
سرطان بدنین آیری قسمتینه یاییلیب تازا تومور دوزلدنده ده، تازا یارانان تومورون سلول‌لاری همان آنا تومورون سلول‌لاری اولور. مثلاً پروستات سرطانی سوموکلره ده یاییلسا سوموکلرده یارانان تومورلار همان پروستات سلول‌لاریدیر و اونا سوموک سرطانی آدی وئریلمز. اونون معالجه‌سی‌ده پروستات سرطانین درمانی اینن اولار.
چوخ واخت سرطانین علّتینی بیلمک اولمور آما تحقیقلر بللی خطر عامل‌لری سرطانا مبتلا اولماق احتمالینی چوخالدار.
عامل‌لرین چوخوندان چکینماق اولار آما وراثتی عاملین الیندن قاچماق اولماز.
بو ناخوشلوق سرایت ائله‌ین دئییل آما بعضی ویروسلار و باکتری‌لر انا مبتلا اولماق احتمالینی چوخالدا بیلر. بو آرادا اولا بیلر چوخلو سرطان عامل‌لری بیر نفرده اولسون آما او بو ناخوشلوغا مبتلا اولماسی و بعضی انسانلار داها حساس اولارلار و تئز مبتلا اولارلار.
دخانیات مصرفی، ماوراءبنفش اشعه‌سی معرضینده اولماق و یاشلانماق سرطانا مبتلا اولماق احتمالینی چوخالدیر.