پاناسونیک شرکتی جولای(تموز) آیینین 7-سی ، تیر آیینین 16-سیندا اعلام ائله‌دی کی بیمارستاندا ناخوشلارین داوالارینی پایلایاجاق بیر پزشکی روبوت دوزه‌لدیب.

پاناسونیک بو روبوتو، اوزوموزه گلن مارسآییندا (بالیقلار آییندا) ژاپون بیمارستانلارینا ساتاجاقدیر سونرا  دا آمئریکا و آوروپا بازارلارینا گؤندره‎جکدیر.

پاناسونیک-ین سوزچوسو (سخنگو)، آکیرا کادوتا دئدی: "بو روبوتون ده‎یری نئچه یوز مین دولار اولاجاقدیر. بو روبوت، بیزیم روبوتیک پروژه‎میزین ایلک محصولودور. بو روبوت تزریق اولونمالی داوالارین نسخه‎سینی باغلاییب داروساز دکترلارین وقتینده صرفه‎جویی ائله‎لرینه سبب اولار.

داروساز دکترلار داوالاری بو روبوتلارین ایچینه قویارلار. پزشکی داده‎لر (وئریلر) بو روبوتلاردا ذخیره اولونوب. روبوتلار دا داوالاری ناخوشلارین کشولارینا قویار.

مقرّی ژاپنیانین اوساکا شهرینده اولان پاناسونیک شرکتی 2016 مالی ایلینده بو روبوتلار و آیری پزشکی روبوتلاریندان 315 میلیون دولار قازانماق انتظاریندادیر.

ژاپنیا روبوتبک صنایعینده دونیادا قاباقجیلدیر، دولتی  ده بو صنایعی اؤلکه‎سینین اقتصادی رشدونه سبب اولاجاغی اوچون تشویق ائتمکده‎دیر.