ژاپنلی عالملر یئرین 200 ایل چکن تازا بوز دؤرونه داخل اولماسینا اینانیرلار.
عالملرین بیر عده‌سی اوقیانوس شناس ژاپنلی عالم موتوتاکا ناکامورانین مدیریّتی اینن تحقیقلردن سونرا، یئرین تازا بوز دؤرونه داخل اولماسیندان خبر وئردیلر. اونلارین دئدیغینا گؤره بوز دؤرو او قدر شدّتلی اولاجاق کی یئرین ایستی یئرلری‌ده بوز باغلایاجاق.
ایندیلیقدا پولکوفسکایا رصدخاناسیندا گونشی تحقیق ائله‌ین تانینمیش روس عالمی «خابابولا عبدالسلاموو» بو باره‌ده دئییر: «علامتلر یئرین تازا بوز دؤرونه داخل اولماسیندان خبر وئریر».
او آرتیردی: «اخیر ایللرده گونش فعالیّتی‌نین آزالماسی مشخص اولدو و بو مسأله اوقیانوسلارین سرینله‌مه‌سینه سبب اولار و نتیجه‌ده دنیا سرینلشر.
محققلر دئییرلر: «گونشین فعالیّتی ایکی سوز ایل موقّتی اولاراق آزالیر و گونشین حرارتی‌ده آزالاجاق. حرارتین آزالماسی دا یئری سرینله‌ده‌جاق و بوز دؤرونو باشلاداجاق.
یئرین آخر بوز دؤرو ۱۶۵۰ و ۱۸۵۰ ایللری آؤاسیندا اولدو کی کیچیک بوز دؤرونو معروفدور.
محققلرین دئدیگینه گؤره تازا بوز دؤرو 2030 و 2040 ایللری آراسیندا باشلایاجاق.
بوننان بئله بو نظریّه‌نین مخالفلری چوخدور.