یئماق برنامه‌میزه مرکباتی آرتیرماق یاغلارین اریمه‌سی و آریقلاماغا سبب اولار.
آشاغیدا آریقلاماقدا فایدالی اولان بعضی مرکبّاتی ساییروق:
قیرمیزی پرتغال: تحقیقلرده قیرمیزی پرتغالین سرطانلی سولل‌لارین بؤیومه‌سی‌نین
قاباغینی آلماقدا فایدالی اولدوغو آشکار اولوب. اوندا اولان آنتوسیانین و کاروتنوئیدلرین‌ده
آریقلاماقدا تأثیرلری وار. اوندان علاوه قانین قندینده تعادل یارادار.
گرامانتین: بدنین امنیت سیستمینی گوجلندیرن و یورقونلوغو آرادان آپاران بیر
جور نارنگی‌دیر. اوندا اولان C ویتامینی، ویروسلارینان ساواشان قان
سلول‌لاری‌نین تولیدینی آرتیرار. بو میوه‌نین مرتب مصرفی متناسب چکی و آریقلاماغا
گتیریب چیخارار.
گریپ فروت: بو میوه سوموکلرده معدنی مادّه‌لرین تراکمونو آرتیرار و سوموک
پوکالماسی‌نین قاباغینی آلار. هابئله اورک ناخوشلوقلاری و سرطان احتمالینی
آزالدار. تحقیقلر گریپ فروتون گونده‌لیق مصرفی‌نین 13 هفته‌ده 10 کیلو آریقلاماغا
سبب اولدوغونو گؤرسدیر.
توش لیمو: اوندا اولان لیمونوئید مادّه‌سی معده مشکل‌لرینه چاره ائلر. هاضمه
آنزیملرین تولیدینده مثبت تأثیری وار و روده‌لرین انقباضینا کؤمک ائلر؛ بو مسأله
سوء هاضمه و نفخی توختادار. لیمونون مرتّب مصرفی آریقلیغا سبب اولار.
تانجلو: بو میوه گریپ فروت و نارنگی آراسیندا بیر مرکباتدیر کی بعضیلری اونا
تانجلو نارنگی دئیرلر. دری قیریشیغی‌نین قاباغینی آلار. مرتب یئییلسه آریقلادار.
نارنگی: بو میوه‌ده اولان بیر جور شیمیایی مادّه، بدنده یاغ تراکمونون
قاباغینی آلار. بو میوه یاغ یانماسی‌نین سرعتینی آرتیرار نتیجه‌ده آریقلادار.