هلندلی عالملر
خلبانسیز بالاجا طیاره دوزلدیبلر کی 9 دقیقه انسان کنترلو اولمادان قوشلار کیم
قانات چالیب اوچور.
«دلفلای اکسپلورر»
آدلانان بو طیّاره، اؤز-اؤزونه اوچا بیلن بیرینجی طیّاره‌دیر.
بو طیّاره
قوشلار کیمی اوچماق و حرکت اوچون قانات چالیر و مانعلره دَیمه‌ماق اوچون بیر
استریو گؤرمه سیستمیندن استفاده ائلیر.
هابئله
اوجالیغی اؤلچماق اوجون بیر ترنومتره مجهز اولوب. اوندان علاوه اونون کنترلی و
ثابتلیگی اوچون اونون ایچینده بیر سیستم قوشولوب.
18 گرم آغیرلیغیندا اولان دلفلای اکسپلورر یئردن قالخیب بللی بیر
اوجالیغا چاتاندان سونرا 9 دقیقه بویوندا اوچور. بو طیّاره هلندین دلفت دانشگاهی‌نین
لابراتوروندا موفقیّتینن تست اولوب.
بو طیّاره‌نین
اساس قسمتی اونون استریو گؤرمه سیستمیدیر کی گؤز کیمی طیاره‌نی مانعه دَیماقدان
ساخلیر.
بو طیّاره‌نین
دوزلدنلری‌نین دئدیغینا گؤره، اونون آز زماندا اوچماسی‌نین سببی باطریدان استفاده
ائله‌ماغا گؤره‌دیر. هرچند خلبانسیز طیّاره‌لر نظامی ایشلرده استفاده اولونور آما
بو وسیله ایندیه قدر تجاری و غیر نظامی ایشلرده استفاده اولونماییب.