بو طبیعی درمانلاری هر ائوده تاپماق
اولار. اونلارین بعضیسی التهابینان مبارزه، آغری سیگنال‌لارینی باغلاماق و حتّی گیزلی
ناخوشلوقلاری معالجه ائله‌ماغینان آغریلاری آرادان آپاریرلار. اونلارین بعضیسی
بونلاردیر:
1. گیلاس: گیلاسدا «آنتوسیانین» آدینداکی ترکیبلر حقیقتده گوجلو آنتی
اکسیداندیلار کی ایکی یولونان آغرینی آزالدارلار. بو ترکیبلر التهابین قاباغینی
آلماغینان و هابئله آغری آنزیملرینی آرادان آپارماغینان، آسپرین و ناپروکسن کیمی
عمل ائله‌ییب، آغری‌نین ساکتلشمه‌سینه کؤمک ائلرلر. بیر تحقیقین نتیجه‌لری صبحانه‌ده
چوخلو مقداردا گیلاس یئینلرین آغریلاری‌نین یوزده ایرمی بئشی‌نین آزالماسینی
گؤرسدیر.
2. زنجفیل: بو کؤک، سنّتی قارین
سانجیسی مسکّنیدیر و اورک بولانماسینی‌دا درمان ائلر. آسپرین و ضد التهاب خاصیّتلی
اولان زنجفیل، عضله، میگرن و آرتریت آغریلارینی ساکتلشدیره بیلر.
3. قیرمیزی بیبر: بیبرده «کاپسایسین»
آدیندا ترکیب وار کی عصب ترمینال‌لارینی تحریک ائله‌ماق و آغری سیگنال‌لارینی
انتقال وئرن شیمیایی مادّه‌نین آزالتماسی اینن، آغرینی آزالدار.
4. بالیق اَتی: آز مقداردا جیوه‌سی
اولان و یوخاری مقداردا یاغ اسید اومگا-3 اولان بالیقلارین مصرفی، آغرینی
آزالتماقدا تأثیری وار. اومگا-3، قان دولانیشینی یاخجیلاتماقدا و عصب و قان
دامارلاری‌نین التهابینی آزالتماقدا تأثیرلیدیر.
5. ساری کؤک: اوزون ایللر بویو بو
ادویه‌دن آغرینی آزالتماقدا و غذا هضمینی یاخجیلاتماقدان اؤترو استفاده ائلیرلر.
آما متخصصلرین دئدیگینه گؤره ساری کؤکون آنتی التهاب خاصیتی‌ده وار و انسان بدنینی
مفصل التهابیندان ساخلار و عصبی سلّول‌لارین فعالیّتیندن حمایت ائلر.
6. یوغورت: طبیبلرین دئدیگینه گؤره،
یوغورتدا التهابی و آغرینی آزالدان نئچه جوره باکتری وار.
7. قهوه: قهوه‌ده‌کی کافئین، باش آغریسی تأثیرینده ملتهب اولان آچیلمیش قان
دامارلارینی ییغماغینان آغری‌نین شدّتینی آلار.
8. نانه: بو گیاه عضله توتولماسی‌نین قاباغینی آلار و بونا گؤره، نانه عراغی
تحریک اولان باغیرساق سندرومو تأثیرینده عمله گلن قارین سانجیسیندا، استفاده
اولونار.
9. یاشیل سویا: اوکلاهما دانشگاهیندا
بیر تحقیقده، بیر عدّه‌یه 40 گرم سویا پروتئینی و آیری عدّه‌یه سوتلو پروتئین
وئردیلر. تحقیقین آخرینده سویا پروتئینی‌نین، آغری کسماقدا داها تأثیرلی اولدوغو
بللی اولدو.
10. زوغال میوه‌سی‌نین سویو: زوغال
سویو معده و کیچیک باغیرساقدا، هلیکوباکتر پیلوری میکروبی تأثیرینده عمله گلن
یارالارین قاباغینی آلار.
هابئله بونلاری شکر علاوه ائله‌مه‌دن ایچماق لازمدیر. چونکی شیرین اولاندا
التهاب گتیررلر.